ប្រទេសទីម័រឡេស្តេ នៅថ្ងៃទី១ ខែមិថុនា ឆ្នាំ២០២៦នេះ បានដាក់ឱ្យប្រើប្រាស់ជាផ្លូវការនូវថ្នាល verify.gov.tl ដែលអភិវឌ្ឍដោយកម្ពុជា ជាប្រព័ន្ធផ្ទៀងផ្ទាត់ឯកសារឌីជីថលផ្អែកលើបច្ចេកវិទ្យា Blockchain ដំបូងបង្អស់របស់ប្រទេសនេះ។

ពិធីសម្ពោធនេះ ត្រូវបានរៀបចំឡើងនៅសាលពហុបំណង GMN ក្នុងទីក្រុងឌីលី ក្រោម​អធិបតី​ភាពឯកឧត្តម Miguel Marques Gonçalves Manetelu រដ្ឋមន្ត្រីក្រសួងដឹកជញ្ជូន និង​សារ​គមនា​គមន៍​ ទីម័រឡេស្តេ និងមានការចូលរួមពីគណៈប្រតិភូកម្ពុជា ដឹកនាំ​ដោយ​ឯ​កឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍។

វេទិកា verify.gov.tl ត្រូវបានអភិវឌ្ឍឡើងតាមរយៈកិច្ចសហប្រតិបត្តិការរវាងក្រសួងដឹកជញ្ជូន និង​សារគមនាគមន៍ (MTC) ទីម័រឡេស្តេ ក្រសួងប្រៃសណីយ៍ និងទូរគមនាគមន៍កម្ពុជា និង​គណៈ​កម្មាធិការរដ្ឋាភិបាលឌីជីថលកម្ពុជា។

ថ្នាលនេះ អាចផ្ទៀងផ្ទាត់ឯកសារផ្លូវការបានភ្លាមៗ និងមានសុវត្ថិភាពខ្ពស់ ដើម្បី​ទប់​ស្កាត់​ការ​ក្លែង​ប​ន្លំ​ឯកសារ និងបង្កើនទំនុកចិត្តលើសេវាសាធារណៈឌីជីថល។

ថ្នាក់ដឹកនាំនៃប្រទេសទាំងពីរ បានចាត់ទុកការដាក់ឱ្យប្រើប្រាស់ថ្នាលនេះថា ជា​ជំហាន​ដ៏​សំខាន់​មួយ​ក្នុង​ការ​ជំរុញការបម្លែងឌីជីថល និងពង្រឹងកិច្ចសហប្រតិបត្តិការរវាងកម្ពុជា និងទីម័រឡេស្តេ៕ អត្ថបទ៖ ស៊ូជីង