កូវ៉ែតបានថ្កោលទោសចំពោះការវាយប្រហារដ៏សាហាវយង់ឃ្នង និងម្តងហើយម្តងទៀតរបស់អ៊ីរ៉ង់ ដែលខ្លួនបានពិពណ៌នាថា ជាការកើនឡើងភាពតានតឹងដ៏គ្រោះថ្នាក់ និងជាការវាយប្រហារដោយផ្ទាល់ទៅលើសន្តិសុខរបស់ប្រទេសនេះ។

សេចក្តីថ្លែងការណ៍មួយពីក្រសួងការបរទេសកូវ៉ែត បានឲ្យដឹងថា៖«ការវាយប្រហារគួរឲ្យភ័យខ្លាចនិងម្តងហើយម្តងទៀតរបស់អ៊ីរ៉ង់ គឺជាការបង្កើនភាពតានតឹងដ៏គ្រោះថ្នាក់ និងជាការវាយប្រហារដោយផ្ទាល់ទៅលើសន្តិសុខ និងស្ថិរភាព» របស់ប្រទេសកូវ៉ែត «មិននិយាយពីការគំរាមកំហែងធ្ងន់ធ្ងរដែលពួកគេបង្កឡើងចំពោះសុវត្ថិភាពរបស់ជនស៊ីវិល និងកន្លែងសំខាន់ៗ នៅក្នុងប្រទេសនេះទេ»។

សេចក្តីថ្លែងការណ៍បានបន្ថែមថា ការបន្ត និងការធ្វើម្តងទៀតនៃការឈ្លានពានទាំងនេះ ធ្វើឲ្យប៉ះពាល់ដល់កិច្ចខិតខំប្រឹងប្រែងដែលមានគោលបំណងកាត់បន្ថយភាពតានតឹង និងគំរាមកំហែងដល់សន្តិសុខ និងស្ថិរភាព នៅក្នុងតំបន់។

ប្រព័ន្ធការពារដែនអាកាសរបស់ប្រទេសកូវ៉ែត បានស្ទាក់ចាប់មីស៊ីលនិងយានដ្រូនជាច្រើនគ្រឿងដែលត្រូវបានគេវាយប្រហារ នៅថ្ងៃចន្ទនេះ ខណៈដែលសំឡេងស៊ីរ៉ែន បានរោទិ៍ឡើងទូទាំងប្រទេសនេះ៕