នៅក្នុងចំណាត់​ជា​យុទ្ធសាស្ត្រមួយ ដើម្បីបន្ធូរបន្ថយភាពតានតឹង នាយករដ្ឋមន្ត្រីជប៉ុន លោកស្រី​ Sanae Takaichi បានអំពាវនាវឲ្យ​អ៊ីរ៉ង់បង្ហាញ «ភាពបត់បែនអតិបរមា» សម្រាប់បទឈប់បាញ់ដែលអាចកើតមានជាមួយសហរដ្ឋអាមេរិក ក្នុងអំឡុងពេលមាន​ការ​សន្ទនាតាមទូរស័ព្ទជាមួយប្រធានាធិបតីអ៊ីរ៉ង់ លោក​ Masoud Pezeshkian នៅថ្ងៃ​ចន្ទ (ទី១ ខែមិថុនា ឆ្នាំ​២០២៦) នេះ​។

ក្នុង​ឱកាស​ជជែក​គ្នា​នោះ លោក​ស្រី Takaichi បានគូសបញ្ជាក់ពីសារៈសំខាន់ ក្នុង​ការចាប់យកឱកាសការទូតនេះ។

អំឡុង​ពេល​និយាយ​ទៅកាន់ប្រព័ន្ធផ្សព្វផ្សាយ បន្ទាប់ពីបញ្ចប់​ការសន្ទនានោះ​ លោកស្រី Takaichi បានសង្កត់ធ្ងន់លើភាពចាំបាច់នៃការបើកច្រកសមុទ្រ Hormuz ឡើងវិញ ដើម្បីធានាបាននូវការធ្វើនាវាចរណ៍ដោយសុវត្ថិភាព និងដោយ​សេរី​ សម្រាប់នាវា​មកពីអាស៊ី និងពី​រតំបន់​ផ្សេងទៀត​។ ចំណាត់ការ​បែបនេះ គឺមានសារៈសំខាន់ ដើម្បី​ធ្វើ​ឲ្យ​សកម្មភាពសមុទ្រក្នុងតំបន់មាន​ស្ថិរភាព។

ទោះ​បី​ជាលោកស្រី​ Takaichi មិនបានរៀបរាប់លម្អិត អំពីប្រតិកម្មភ្លាមៗរបស់លោក Pezeshkian ក៏ដោយ ក៏​លោកស្រីបានបញ្ជាក់ថា មេដឹកនាំទាំង២ ប្តេជ្ញាបន្ត​រក្សាទំនាក់ទំនងជាបន្តបន្ទាប់ ដើម្បីស្វែង​រក​ដំណោះស្រាយ សម្រាប់​បញ្ហាដ៏ស្មុគស្មាញ​នៃ​ភូមិសាស្ត្រនយោបាយទាំងនេះ៕