រដ្ឋអាជ្ញាយោធាឥណ្ឌូនេស៊ីនៅថ្ងៃពុធនេះ បានស្វែងរកការកាត់ទោសឲ្យជាប់ពន្ធនាគាររយៈពេលពីរឆ្នាំកន្លះ សម្រាប់ទាហានម្នាក់ៗក្នុងចំណោមទាហានទាំង ៤នាក់ ដែលត្រូវបានចោទប្រកាន់ពីបទវាយប្រហារដោយទឹកអាស៊ីតលើសកម្មជនម្នាក់ដែលរិះគន់តួនាទីដែលកំពុងពង្រីករបស់កងកម្លាំងប្រដាប់អាវុធ នៅក្នុងរដ្ឋាភិបាល។

លោក Andrie Yunus អាយុ ២៧ ឆ្នាំ មកពីក្រុមសិទ្ធិមនុស្ស Kontra S បានរងរបួសធ្ងន់ធ្ងរ នៅពេលដែលបុរសពីរនាក់ជិះម៉ូតូមួយគ្រឿង បានគប់ទឹកអាស៊ីតទៅលើលោក កាលពីខែមីនា ខណៈពេលដែលលោកកំពុងជិះម៉ូតូដែរនោះ។

លោកទើបតែថតសំឡេងអំពីឥទ្ធិពលរបស់យោធាលើរដ្ឋាភិបាលឥណ្ឌូនេស៊ីបង្ហោះនៅលើអ៊ីនធឺណិត។

សមាជិក ៤នាក់នៃទីភ្នាក់ងារស៊ើបការណ៍សម្ងាត់យុទ្ធសាស្ត្រ (BAIS) របស់យោធា ត្រូវបានចាប់ខ្លួន ហើយប្រធាន BAIS លោក Yudi Abrimantyo បានលាលែងពីតំណែង ដែលមន្ត្រីបាននិយាយថា ជា «ទម្រង់នៃការទទួលខុសត្រូវ»៕