យោងតាមរូបភាពផ្កាយរណបដែលត្រូវបានវិភាគដោយកាសែត Al Jazeera បានឲ្យដឹងថា អ៊ីស្រាអែលត្រូវដកចេញទាំងស្រុងទាហានរបស់ខ្លួនពីតំបន់ហ្កាហ្សា ដែលជាផ្នែកមួយនៃបទឈប់បាញ់ចុះហត្ថលេខាកាលពីខែតុលា តែផ្ទុយទៅវិញពួកគេបែរជាសាងសង់ប៉ុស្តិ៍យោធារបស់ខ្លួនកាន់តែច្រើនទៅវិញនៅក្នុងដែនដីបិទច្រកមួយនេះ ។

ការស៊ើបអង្កេតរបស់កាសែត Al Jazeera លើការវិភាគទិន្នន័យផ្កាយរណបមកទល់នឹងខែឧសភា ឆ្នាំ ២០២៦ បានរកឃើញប៉ុស្តិ៍ក្រៅយោធារបស់អ៊ីស្រាអែលចំនួន ៤០កន្លែង នៅក្នុងតំបន់ហ្កាហ្សា ។

ការវិភាគបង្ហាញថា មូលដ្ឋាន ៨កន្លែង ត្រូវបានសាងសង់រួចទាំងស្រុង ក្រោយបទឈប់បាញ់ខែតុលា ឆ្នាំ ២០២៥ចូលជាធរមាន ហើយមានទីតាំងមួយកន្លែងទៀត កំពុងស្ថិតក្រោមការសាងសង់ ។

ខណៈពេលនោះដែរ រដ្ឋមន្ត្រីការបរទេសសហរដ្ឋអាមេរិក លោក Marco Rubio បាននិយាយ ថា គោលដៅរបស់នាយករដ្ឋមន្ត្រីអ៊ីស្រាអែល លោក Benjamin Netanyahu ក្នុងការដណ្តើមយកតំបន់ហ្កាហ្សា ៧០ ភាគរយ ពុំមែនជាផ្នែកមួយនៃផែនការ ២០ ចំណុចដែលព្រាងដោយសហរដ្ឋអាមេរិក ដើម្បីបញ្ចប់ជម្លោះរវាងអ៊ីស្រាអែល និងក្រុមហាម៉ាស និងការកសាងឡើងវិញនូវដែនដីនេះទេ ៕