ក្រសួងសុខាភិបាលអេស្ប៉ាញនិយាយនៅថ្ងៃពុធនេះថា អេស្ប៉ាញ បានរកឃើញអត្រាមរណៈខ្ពស់បំផុតជាប់ពាក់ព័ន្ធនឹងកម្តៅក្នុងខែឧសភា ចាប់តាំងពីកំណត់ត្រាចាប់ផ្តើមកាលពីឆ្នាំ ២០១៥ ស្របពេលដែលក្រុមអាជ្ញាធរនិយាយថា អាកាសធាតុក្តៅ បានមកដល់លឿនជាងមុន ។

តំបន់ជាច្រើនរបស់អឺរ៉ុប បានជួបសីតុណ្ហភាពក្តៅខ្លាំងខុសពីធម្មតា កាលពីខែមុន ក្នុងនោះសីតុណ្ហភាពបានបំបែកកំណត់ត្រានៅតាមប្រទេសជាច្រើន រួមទាំងអង់គ្លេស និងបារាំងផងដែរ ។

អេស្ប៉ាញបានមើលឃើញកំណត់ត្រាសីតុណ្ហភាពជាច្រើនដងផងដែរសម្រាប់ខែឧសភា បើទោះបីជាក្រុមអាជ្ញាធរ ពុំបានប្រកាសពីរលកកម្តៅក៏ដោយ ។

យោងតាមប្រព័ន្ធតាមដានអត្រាមរណៈប្រចាំថ្ងៃ(MoMo)របស់អេស្ប៉ាញ បានឲ្យដឹងថា មនុស្ស ១០១នាក់ បានស្លាប់ក្នុងខែឧសភា ឆ្នាំ ២០២៦ ដោយសារសីតុណ្ហភាពខ្ពស់ ដែលជាតួលេខខ្ពស់បំផុតសម្រាប់ខែមួយនេះ ចាប់តាំងពីឆ្នាំ ២០១៥ ។

ក្រសួងសុខាភិបាលអេស្ប៉ាញនិយាយទៀតថា តួលេខនេះច្រើនជាង ៣,៦ ដងនៃចំនួនមនុស្សស្លាប់មធ្យមក្នុងខែឧសភា ក្នុងរយៈពេលជាង ១ទសវត្សរ៍កន្លងមកនេះ ដែលវាសបញ្ជាក់ឲ្យឃើញពីផលប៉ះពាល់សុខភាពដោយសារកម្តៅ មុនពេលចាប់ផ្តើមរដូវក្តៅ ។

ក្រុមអ្នកវិទ្យាសាស្រ្ត បានព្រមានផងដែរពីរដូវក្តៅក្តៅខ្លាំងជាងមុន ដោយសារបម្រែបម្រួលអាកាសធាតុ ៕