​បាល់ទាត់៖ កីឡាករ F1, Lewis Hamilton និង​កីឡា​ការិនី​វាយ​កូន​បាល់​អាមេរិក Serena Williams ស្ថិត​ក្នុងចំណោម​អ្នក​វិនិយោគ​ដែល​គាំទ្រ​ការដេញថ្លៃ​របស់លោក Sir Martin Broughton ដើម្បី​ទិញ​ក្លិប​បាល់ទាត់​តោ​ខៀវ Chelsea។ ​Broughton គឺជា​ក្រុមហ៊ុន​មួយ​ក្នុងចំណោម​ក្រុម​ចំនួន ៣ ដែល​កំពុងដំណើរការ​ទិញ​ក្លឹប Premier League ក្នុងតម្លៃ ២.៥ពាន់​លាន​ផោន​។​

​ម្ចាស់​ជើងឯក Formula 1 ប្រាំពីរ​សម័យ Hamilton ដែលជា​អ្នកគាំទ្រ Arsenal និង​ម្ចាស់​ជើងឯក​វាយ​កូន​បាល់ Grand Slam ២៣លើក Serena Williams បាន​សន្យា​វិនិយោគ​លើ​ការដេញថ្លៃ​នេះ​។​ ​ប្រធាន​អត្តពលកម្ម​ពិភពលោក និង​អ្នកគាំទ្រ Chelsea លោក Lord Coe ក៏​ជា​អ្នក​នៅ​ពីក្រោយ​ការដេញថ្លៃ​នេះដែរ​។​ ក្លិប​តោ​ខៀវ​កំពុង​ប្រតិបត្តិការ​ក្រោម​អាជ្ញាប័ណ្ណ​ពិសេស​ពី​រដ្ឋាភិបាល​ចក្រភព​អង់គ្លេស ​បន្ទាប់ពី​ម្ចាស់ Roman Abramovich ត្រូវបាន​ដាក់ទណ្ឌកម្ម​។ ​Abramovich បានដាក់​ក្លឹប​លក់​មុនពេល​គាត់​ត្រូវបាន​ដាក់ទណ្ឌកម្ម ​ចំពោះ​ការចោទប្រកាន់​របស់គាត់​ដែលមាន​ទំនាក់ទំនង​ជាមួយលោក​ប្រធានាធិបតី​រុស្ស៊ី Vladimir Putin បន្ទាប់ពី​ការ​លុកលុយ​អ៊ុយ​ក្រែ​ន​។​

​អ្នកវិនិយោគ​ផ្សេងទៀត​នៅក្នុង​ការដេញថ្លៃ​ដែល​ដឹកនាំ​ដោយ Broughton រួមមាន​គ្រួសារ Rogers ដែលមាន​មូលដ្ឋាន​នៅ​ប្រទេស​កាណាដា និង​ក្រុមហ៊ុន​ប្រព័ន្ធ​ផ្សព្វផ្សាយ និង​ទូរគមនាគមន៍​ផ្ទាល់ខ្លួន Rogers Communications ប្រធាន​គណៈកម្មាធិការ​ដេញថ្លៃ Houston 2026 World Cup លោក John Arnold និង​គ្រួសារ Tsai មកពី​តៃវ៉ាន់​​ដែល​កំពុង​គ្រប់គ្រង​ក្លិប​បេស​ស្ប​ក​ពីរ​នៅ​សហរដ្ឋអាមេរិក​៕

​អត្ថបទ​៖​នាង សុភា​វុ​ធ