កាសែត The Wall Street Journal (WSJ) បានសរសេរដោយដកស្រង់ប្រភពថា ប្រធានាធិបតីអាមេរិក ដូណាល់ ត្រាំ នឹងបន្តសង្គ្រាមពេញបន្ទុកប្រឆាំងនឹងអ៊ីរ៉ង់ ប្រសិនបើទាហានអាមេរិកណាម្នាក់នៅមជ្ឈិមបូព៌ា ត្រូវបានសម្លាប់។

យោងតាមរបាយការណ៍នេះ មេដឹកនាំអាមេរិករូបនេះ បានប្រាប់ជំនួយការរបស់ខ្លួនថា ប្រសិនបើកងទ័ពអាមេរិកណាម្នាក់ ត្រូវបានសម្លាប់ ដោយសារសកម្មភាពរបស់អ៊ីរ៉ង់ ទីក្រុងវ៉ាស៊ីនតោនអាចបញ្ចប់បទឈប់បាញ់ជាមួយសាធារណរដ្ឋឥស្លាម។

កាសែតនេះនិយាយថា សេចក្តីថ្លែងការណ៍បែបនេះ បង្ហាញពីការត្រៀមខ្លួនរបស់លោក ត្រាំ ក្នុងការទប់ទល់នឹងការប៉ះទង្គិចតូចតាចរយៈពេលជាច្រើនសប្តាហ៍ ឬក៏ច្រើនខែ ដើម្បីជៀសវាងជម្លោះធំជាងនេះ។

នាពេលមុននេះ លោក ត្រាំ បាននិយាយថា ការចរចារវាងទីក្រុងវ៉ាស៊ីនតោន និងទីក្រុងតេអេរ៉ង់ កំពុងមានវឌ្ឍនភាព ហើយកិច្ចព្រមព្រៀងនេះ អាចនឹងសម្រេចបាន នៅចុងសប្តាហ៍នេះ៕