​NATO៖ ប្រធាន​គណៈកម្មាធិការ​យោធា​អង្គការ NATO បាន​និយាយ​ថា​ លោក​បាន​ពិភាក្សា​ជាមួយរដ្ឋា​ភិបាល​ជាន់ខ្ពស់ និង​មន្ត្រី​យោធា​ប្រទេស​ប៊ុលហ្គារី អំពី​បញ្ហា​សន្តិសុខ​ក្នុង​តំបន់​នៅ​តំបន់​ភាគអាគ្នេយ៍​របស់ NATO បន្ទាប់ពី​ការវាយលុក​របស់​រុស្ស៊ី​លើ​អ៊ុយ​ក្រែ​ន​។

​ឧ​ត្ត​មនា​វី​ឯក Rob Bauer និយាយថា ការវាយលុក​នេះ​គឺជា​ការគំរាមកំហែង​ធ្ងន់ធ្ងរ​បំផុតដល់​សន្តិសុខ​តំបន់​អឺរ៉ុប​-​អា​ត្ល​ង់​ទិ​កក្នុង​រយៈពេល​ជាច្រើន​ទស្សវត្ស​មកនេះ ហើយ​អឺរ៉ុប​កំពុង​មើលឃើញ​ការបំផ្លាញ​ និង​ការជម្លៀស​ប្រជាជន​ចេញពី​ទីលំនៅ​ឋានក្នុង​ទំហំ​មួយ​ដ៏ច្រើន​។​ ​ក្នុងអំឡុងពេល​សន្និសីទ​ជាមួយ​អ្នកសារព័ត៌មាន​នៅ​តំបន់​ហ្វឹកហាត់ Novo Selo ក្នុងប្រទេស​ប៊ុលហ្គារី លោក​បានបញ្ជាក់​លើ​តម្រូវការ​សម្រាប់​អង្គការ​ NATO ដើម្បី​រួបរួម​ និង​បាន​និយាយថា ​លោកបាន​ពិភាក្សា​អំពី​ជម្រើស​ សម្រាប់​ការពង្រឹង​ការការពារ​តំបន់​ភាគ​អាគ្នេយ៍​របស់ NATO ក្នុងបរិបទ​នៃ​សង្គ្រាម​។ យុគសម័យ​ថ្មី​សម្រាប់​អង្គការ NATO បានចាប់ផ្ដើម​ហើយ តម្រូវឱ្យ​យើង​រួបរួមគ្នាជាង​ពេលណាៗ​ទាំងអស់​។​

​លោក​និយាយថា នេះ​ជាការ​ពិត​សម្រាប់​ប្រទេស​ប៊ុលហ្គារី និង​ជាការ​ពិត​សម្រាប់​អង្គការ NATO​។ លោក Rob Bauer បាន​ចូលរួម​ក្នុងការ​បង្ហាញ​សមត្ថភាព​យោធា​នៃ​ក្រុមប្រយុទ្ធពហុ​ជាតិសាសន៍​ ដែល​ត្រូវបាន​បង្កើតឡើង​កាលពីពេល​ថ្មីៗ​នេះនៅ​ទីតាំង​ហ្វឹកហាត់ Novo Selo នៅ​ភាគអាគ្នេយ៍​ប្រទេស​ប៊ុលហ្គារី​។​ ​សហរដ្ឋអាមេរិក​បាន​ដាក់ពង្រាយកងពលរ​ថ​ពាស​ដែក Stryker ទៅកាន់​ក្រុមប្រយុទ្ធរបស់​អង្គការ NATO៕

អត្ថបទ៖ ប៊ុនថន