មីយ៉ាន់ម៉ា៖ ប្រមុខយោធាមីយ៉ាន់ម៉ាបានអំពាវនាវជាថ្មីឱ្យមានបទឈប់បាញ់ និងការចរចាសន្តិភាពជាមួយមេដឹកនាំជនជាតិភាគតិចប្រដាប់អាវុធនៅទូទាំងប្រទេស។ វិធានការនេះត្រូវបានគេមើលឃើញថា ជាបំណងដើម្បីបញ្ឈប់ពួកគេពីការគាំទ្រចលនាគាំទ្រលទ្ធិប្រជាធិបតេយ្យ។
កាលពីថ្ងៃសុក្រទូរទស្សន៍រដ្ឋបានផ្សាយម្តងហើយម្តងទៀត នូវសុន្ទរកថារបស់ឧត្ដមសេនីយ៍ជាន់ខ្ពស់លោក Min Aung Hlaing ដែលលោកបានអញ្ជើញក្រុមទាំងនោះឲ្យមកជួបសន្ទនាគ្នា និងជួបពួកគេផ្ទាល់។ ប្រមុខយោធាបានស្នើឱ្យពួកគេចុះឈ្មោះអ្នកតំណាងនៅត្រឹមថ្ងៃទី៩ ខែឧសភា។ លោកនិយាយថា យោធានឹងនិយាយដោយស្មោះត្រង់ និងបើកចំហ។ សហភាពមីយ៉ាន់ម៉ាមានក្រុមជនជាតិភាគតិចប្រមាណ ២០ក្រុមដែលកំពុងស្វែងរកស្វ័យភាពពេញលេញ។ពួកគេភាគច្រើនបានដកខ្លួនពីការប៉ះទង្គិចគ្នារវាងយោធា និងកងកម្លាំងគាំទ្រលទ្ធិប្រជាធិបតេយ្យចាប់តាំងពីរដ្ឋប្រហារកាលពីឆ្នាំមុន។ ប៉ុន្តែក្រុមមួយចំនួនភាគច្រើននៅភាគខាងជើង និងភាគខាងកើតកំពុងចាប់ដៃជាមួយកងកម្លាំងគាំទ្រលទ្ធិប្រជាធិបតេយ្យ បន្ទាប់ពីត្រូវបានស្នើសុំឱ្យផ្តល់ការបណ្ដុះបណ្ដាលក្នុងការប្រយុទ្ធ៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
