វិនិយោគិនកូរ៉េបាននិងកំពុងចាប់អារម្មណ៍អំពីការធ្វើធុរកិច្ចនៅកម្ពុជា តាមរយៈការស្វែងរកដៃគូពាណិជ្ជកម្ម ការចែកចាយផលិតផល និងបរិយាកាសវិនិយោគ ដើម្បីជំរុញការធ្វើពាណិជ្ជកម្មឱ្យកាន់តែខ្លាំងក្លា ដើម្បីបម្រើផលប្រយោជន៍ និងប្រជាជននៃប្រទេសទាំងពីរ។

 បន្ទាប់ពីការផ្ទុះឡើងបញ្ហាព្រំដែនកម្ពុជា-ថៃ ដែលឈានទៅដល់ការបិទច្រកព្រំដែនផ្លូវគោកឯកតោភាគីដោយប្រទេសថៃ បាន ធ្វើឱ្យប្រជាជនកម្ពុជានិងកំពុងបន្តធ្វើពហិការមិនប្រើប្រាស់ផលិតផលប្រទេសមួយនេះ ដែលបញ្ហានេះគឺជាបច្ច័យនាំឱ្យកម្ពុជាបង្កើតនូវ កិច្ចសហប្រតិបត្តិការជាមួយបណ្តាប្រទេសនានាកាន់តែខ្លាំងក្លា ជាពិសេសនៅលើដៃគូពាណិជ្ជកម្ម ជាក់ស្តែងរវាងកម្ពុជានិងកូរ៉េនេះ ជាដើម ដោយការធ្វើពាណិជ្ជកម្មទ្វេភាគីកំពុងមានកំណើនកើនឡើង ជួយដល់ការរីកលូតលាស់នៃប្រទេសទាំងពីរ។

 លោក លី ស៊ឹងរ៉ាក់ (Lee Seungrak) នាយកគ្រប់គ្រងទូទៅ BRCOS បានវាយតម្លៃខ្ពស់ចំពោះការរីកចម្រើន នៃកម្ពុជា និងបានកំពុងធ្វើឱ្យវិនិយោគិនមកពីបរទេសចាប់អារម្មណ៍ពីសក្តានុពល ដែលកម្ពុជាបានកំពុងផ្តល់អត្ថប្រយោជន៍ដល់ក្រុម ហ៊ុនដែលកំពុងធ្វើអាជីវកម្មនៅក្នុងស្រុក ផលិតសម្រាប់បម្រើការនាំចេញជាដើម។ ចំណែកប្រតិភូក្រុមហ៊ុនកូរ៉េ ដែលអញ្ជើញមកកម្ពុជា នាពេលនេះ និងបង្កើតនូវកិច្ចសហប្រតិបត្តិការជាមួយក្រុមហ៊ុនក្នុងស្រុក ដើម្បីនាំចូលផលិតផលដែលមានគុណភាពពីប្រទេសកូរ៉េ សម្រាប់ចែកចាយក្នុងទីផ្សារនៅក្នុងព្រះរាជាណាចក្រកម្ពុជា។ ដែលតាមរយៈនេះ គឺជាការចូលរួមចំណែកបន្ថែមទៀត ដើម្បីចូលរួម បង្កើនទំហំការធ្វើពាណិជ្ជកម្មប្រទេសទាំងពីរឱ្យកាន់តែខ្លាំងក្លា។

លោកស្រី សម ច័ន្ទបូព៌ព្រឹក្ស នាយិកាគ្រប់គ្រង Lab10 Korea ប្រចាំកម្ពុជា លើកឡើងថា ជុំវិញការធ្វើពាណិជ្ជកម្មជា អន្តរជាតិនេះ ទំនិញដែលហូរកម្ពុជាភាគីគឺពីប្រទេសជិតខាង, បច្ចុប្បន្នដោយមានភាពរីកចម្រើនក្នុងស្រុក ប្រជាពលរដ្ឋមានជីវភាព កាន់តែធូរធារ ការជ្រើសរើសផលិតផល មិនថាគ្រឿងបរិភោគ សម្ភារៈប្រើប្រាស់ ឬគ្រឿងសម្អាងជាដើម គឺត្រូវការផលិតផលដែលមាន ស្តង់ដារ។ បញ្ហា នេះ ចំពោះកិច្ចសហប្រតិបត្តិការរវាងធុរកិច្ចកម្ពុជា-កូរ៉េ បាននិងកំពុងជំរុញពង្រីកការផ្លាស់ប្តូរពាណិជ្ជកម្មឱ្យមានទ្រង់ ទ្រាយកាន់ធំ សម្រាប់ប្រជាជននិងសេដ្ឋកិច្ចនៃប្រទេសទាំងពីរ។

បណ្ឌិត សួន ម៉ិ ប្រធានសមាគមសហគ្រិនវីម៉ូកម្ពុជា លើកឡើងផងដែរថា ជុំវិញការធ្វើធុរកិច្ចនេះ សមាគមបានយកចិត្តទុក ដាក់យ៉ាងខ្លាំង ជួយដល់សហគ្រិនក្នុងស្រុក ឱ្យមានដៃគូពាណិជ្ជកម្មទាំងជាតិនិងអ​ន្តរជាតិ សម្រាប់ការដោះដូរទំនិញគ្នាទៅវិញទៅមក ក្នុងនោះនាពេលកន្លងមក សមាគមបានរៀបចំវេទិកាផ្គូរផ្គងធុរកិច្ចជាមួយបណ្តាលប្រទេសជាច្រើន ជាក់ស្តែងនៅពេលនេះ បានរៀបចំ ការផ្គូរផ្គងពាណិជ្ជកម្មរវាងកម្ពុជា-កូរ៉េ ដើម្បីបើកផ្លូវឱ្យសហគ្រិនមានទីផ្សារផ្លាស់ប្តូរមុខទំនិញរបស់ខ្លួន។

សូមបញ្ជាក់ថា ការដោះដូរពាណិជ្ជកម្មទ្វេភាគីកម្ពុជា-កូរ៉េ នៅក្នុងរយៈ៥ខែ ឆ្នាំ២០២៦នេះ មានទំហំទឹកប្រាក់សរុបប្រមាណ ៣៥៧ លានដុល្លារអាម៉េរិក កើនឡើង ២៣% ក្នុងនោះកម្ពុជាបាននាំចេញ មានទឹកប្រាក់ ១៣១ លានដុល្លារ កើនជិត ៣៤% និងការនាំចូល ពីប្រទេសកូរ៉េ មានទឹកប្រាក់ជាង ២២៥ លានដុល្លារ កើនឡើង ១៧% ធៀបរយៈពេលដូចគ្នាឆ្នាំ២០២៥៕

អត្ថបទ៖ សុន រ៉ាឌី