ទិន្នន័យផ្លូវការបានបង្ហាញថា ផលិតផលក្នុងស្រុកសរុប(GDP) ពិតប្រាកដរបស់ប្រទេសអារ៉ាប៊ីសាអ៊ូឌីត បានកើនឡើង ៣ ភាគរយ បើ​ធៀបនឹង​ឆ្នាំមុន នៅក្នុងត្រីមាសទី១ នៃឆ្នាំ ២០២៦ ដែលគាំទ្រដោយកំណើនពីសកម្មភាពសេដ្ឋកិច្ចសំខាន់ៗទាំងអស់។ 

យោងតាមរបាយការណ៍ចុងក្រោយបំផុតរបស់អាជ្ញាធរស្ថិតិទូទៅ សកម្មភាពប្រេង និងមិនមែនប្រេង បានកើនឡើង ២,៩ ភាគរយ ជារៀងរាល់ឆ្នាំ ក្នុងរយៈពេលបីខែ ដល់ថ្ងៃទី ៣១ ខែមីនា ខណៈដែលសកម្មភាពរបស់រដ្ឋាភិបាល បានកើនឡើង ១,៥ ភាគរយ។

សកម្មភាព​មិនមែន​ប្រេង ​បាន​រួមចំណែក ១,៧ ភាគរយ​ដល់​កំណើន GDP សរុប ដែលជា​ចំណែក​ធំ​បំផុត​ក្នុងចំណោម​វិស័យ​សំខាន់ៗ​របស់​សេដ្ឋកិច្ច ខណៈ​ព្រះរាជាណាចក្រ​នេះ ​កំពុង​ស្វែងរកបង្កើន​ប្រភព​ចំណូល​ឲ្យ​បានច្រើន ជា​ផ្នែក​មួយ​នៃ​យុទ្ធសាស្ត្រ​ចក្ខុវិស័យ​ឆ្នាំ ២០៣៩​ របស់ខ្លួន។

ទិន្នន័យនេះ ក៏ស្របគ្នាទាំងស្រុង​ជាមួយនឹងការព្យាករណ៍ពីអង្គការសម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច ដែលរំពឹងថា សេដ្ឋកិច្ចរបស់ព្រះរាជាណាចក្រនេះ នឹងកើនឡើង ៣,២ ភាគរយ នៅឆ្នាំនេះ មុនពេលបង្កើនល្បឿនដល់ ៤,៣ ភាគរយ នៅឆ្នាំ ២០២៧៕