អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បាននិយាយនៅថ្ងៃពុធនេះថា កិច្ចខិតខំប្រឹងប្រែងការទូតជាមួយសហរដ្ឋអាមេរិក មិនអាចរីកចម្រើនបានទេ ក្រោមការរំលោភបំពានបទឈប់បាញ់ម្តងហើយម្តងទៀត បន្ទាប់ពីការប៉ះទង្គិចគ្នាពេញមួយយប់នៅក្នុងឈូងសមុទ្ររវាងទីក្រុងតេអេរ៉ង់ និងទីក្រុងវ៉ាស៊ីនតោន។

លោក Baghaei បានចោទប្រកាន់ទីក្រុងវ៉ាស៊ីនតោនថា បានបំផ្លាញការទូត តាមរយៈសារផ្ទុយគ្នា ការផ្លាស់ប្តូរជំហរ និងការរំលោភលើបទឈប់បាញ់ម្តងហើយម្តងទៀត ហើយបាននិយាយថា អ៊ីស្រាអែលក៏កំពុងធ្វើឲ្យខូចដំណើរការនេះតាមរយៈការរំលោភលើបទឈប់បាញ់ម្តងហើយម្តងទៀត នៅក្នុងប្រទេស លីបង់។

លោកបាននិយាយថា៖«បន្ទាប់ពីវាយប្រហារពេញមួយយប់ យើងត្រូវវាយតម្លៃឡើងវិញ (ផ្លូវការទូតជាមួយទីក្រុងវ៉ាស៊ីនតោន) ... ដំណើរការការទូតណាមួយតម្រូវឲ្យមានបរិយាកាសស្ថិរភាពអប្បបរមា»។

សហរដ្ឋអាមេរិកបានចាប់ផ្តើមការវាយប្រហារតាមអាកាសនៅព្រឹកថ្ងៃពុធប្រឆាំងនឹងអ៊ីរ៉ង់ បន្ទាប់ពីបានស្តីបន្ទោសទីក្រុងតេអេរ៉ង់ចំពោះការធ្លាក់ឧទ្ធម្ភាគចក្រវាយប្រហាររបស់អាមេរិក ដែលបង្កឲ្យមានការវាយប្រហារថ្មីពីអ៊ីរ៉ង់ និងពង្រីកការវាយប្រហារសងសឹកបន្ថែមទៀត ដែលគំរាមកំហែងធ្វើឲ្យប៉ះពាល់ដល់ការចរចា ដើម្បីបញ្ចប់សង្គ្រាមនេះ៕