ក្រុមមេដឹកនាំអៀរឡង់ខាងជើង និងក្រុមនគរបាល បានជំរុញឲ្យប្រជាពលរដ្ឋ មិនត្រូវញុះញង់ភាពស្អប់ខ្ពើម និងបង្កក្តីបារម្ភនោះទេ ក្រោយបាតុកម្មប្រឆាំងអន្តោប្រវេសន៍ ។

ក្រុមអាជ្ញាធរ និយាយថា ស្មារតីតវ៉ាមានកម្រិតខ្ពស់ ប៉ុន្តែក្រុមមេដឹកនាំ កំពុងជំរុញឲ្យមានភាពអត់ធ្មត់ ។

ក្រុមបាតុករនាំគ្នាដុតរថយន្ត ហើយក្រុមយុវជនពាក់ម៉ាស់ បានជួបជុំគ្នាតាមដងផ្លូវនៅក្នុងទីក្រុង Belfast របស់អៀរឡង់ខាងជើង បន្ទាប់ពីនគរបាលចោទប្រកាន់បុរសជនជាតិស៊ូដង់ម្នាក់ ជុំវិញហេតុការណ៍វាយប្រហារដោយកាំបិត បណ្តាលឲ្យមនុស្សម្នាក់រងរបួសធ្ងន់ធ្ងរ ។

នាយករដ្ឋមន្រ្តីអង់គ្លេសលោក Keir Starmer បានចាត់ទុកការវាយប្រហារនេះថា ជារឿងគួរឲ្យស្អប់ខ្ពើមបំផុត ។

ឧបទ្ទេវហេតុនេះដែរ ដែលបច្ចុប្បន្នពុំត្រូវបានចាត់ទុកថាជាអំពើភេវកម្មនោះ បានកើតមាន ចំពេលមានការជជែកដេញដោលដ៏តានតឹងជុំវិញបញ្ហាអន្តោប្រវេសន៍នៅអង់គ្លេស ។

ខណៈពេលនោះដែរ នៅក្នុងទីក្រុងឡុងដ្រ៍ ក្រុមបាតុករស្តាំនិយមជ្រុល នាំគ្នាបិទផ្នែកខ្លះនៃទីលានចតុរង្គសភាផងដែរ ៕