ក្រុមតាលីបង់និយាយថា ប៉ាគីស្ថាន បានបើកការវាយប្រហារតាមច្រកអាកាសថ្មីលើប្រទេសអាហ្វហ្គានីស្ថានាថ្ងៃពុធនេះ នៅក្នុងអំពើហិង្សាកើនឡើងបន្ថែមទៀតនៃការប្រយុទ្ធគ្នារវាងប្រទេសជិតខាងទាំង២ រយៈពេលជាច្រើនខែកន្លងមកនេះ ដែលបានសម្លាប់មនុស្សរាប់រយនាក់ ។

ការវាយប្រហារដែលអាហ្វហ្គានីស្ថាននិយាយថា ត្រូវចំខេត្តភាគខាងកើត Khost, Kunar និង Paktika បានធ្វើឲ្យលែងមានភាពស្ងប់ស្ងាត់រយៈពេលជាង ១ខែរវាងភាគីទាំង ២ ។

លោក Zabihullah Mujahid គឺជាអ្នកនាំពាក្យរដ្ឋាភិបាលអាហ្វហ្គានីស្ថាន និយាយថា មនុស្ស ១៣នាក់ ត្រូវបានសម្លាប់ រួមមានកុមារ ១១នាក់ ស្រ្តីម្នាក់ និងបុរសវ័យចំណាស់ម្នាក់ ហើយជនស៊ីវិល ១៤នាក់ផ្សេងទៀត បានរងរបួស ។

ប៉ាគីស្ថានបញ្ជាក់ថា ខ្លួនបានវាយប្រហារលើទីតាំងលាក់ខ្លួនរបស់ក្រុមជីវពល និងហេដ្ឋារចនាសម្ព័ន្ធដែលមានការជាប់ពាក់ព័ន្ធនឹងការវាយប្រហារកាលពីពេលថ្មីៗនៅក្នុងប្រទេសប៉ាគីស្ថាន ហើយក្រុមជីវពល ២៦នាក់ ត្រូវបានសម្លាប់ ។

សូមបញ្ជាក់ថា ប៉ាគីស្ថាន បានជាប់ផុងក្នុងការប្រយុទ្ធគ្នាស្លាប់មនុស្សចាប់តាំងពីចុងខែកុម្ភៈ ឆ្នាំមុនរហូតមក ពេលដែលអាហ្វហ្គានីស្ថាន បើកការវាយប្រហារឆ្លងកាត់ព្រំដែនលើប៉ាគីស្ថាន ជាការសងសកឹកនឹងការវាយប្រហារតាមច្រកអាកាសរបស់ប៉ាគីស្ថានលើអាហ្វហ្គានីស្ថាន ។ ជុំជាច្រើននៃកិច្ចប្រជុំសន្តិភាពសម្របសម្រួលដោយអន្តរជាតិ ពុំទទួលបានបទឈប់បាញ់យូរអង្វែងនោះឡើយ ៕