ប្រធានាធិបតីសហរដ្ឋអាមេរិក លោក Donald Trump បាននិយាយកាលពីថ្ងៃពុធថា យោធាសហរដ្ឋអាមេរិក បានជួយដោយសម្ងាត់ដល់នាវាពាណិជ្ជកម្មជាង២០០គ្រឿងក្នុងការឆ្លងកាត់ច្រកសមុទ្រ Hormuz ចាប់តាំងពីខែមុន។ លោក Trump បានអះអាងនៅក្នុងការបង្ហោះសារនៅលើបណ្តាញសង្គម Truth Social ថា «កិច្ចខិតខំប្រឹងប្រែងនេះ បានបណ្តាលឱ្យប្រេងជាង១០០លានបារ៉ែលធ្វើដំណើរឆ្លងកាត់ច្រកសមុទ្រ និងចូលទៅក្នុងទីផ្សារដោយបើកចំហ»។

លោក Trump បានអះអាងថា សហរដ្ឋអាមេរិក មិនមែនអ៊ីរ៉ង់ទេ គ្រប់គ្រងផ្លូវទឹកយុទ្ធសាស្ត្រនេះ។ «យោធារបស់ពួកគេត្រូវបានធ្វើឲ្យបរាជ័យ ហើយសេដ្ឋកិច្ចរបស់ប្រទេសត្រូវបាត់បង់។ វាចប់ហើយសម្រាប់អ៊ីរ៉ង់» លោក Trump បានបញ្ជាក់ជាថ្មីនូវការអះអាងរបស់លោក ទោះបីជាការចរចាជាប់គាំង និងមានការបាញ់ប្រហាររបស់អ៊ីរ៉ង់ជាមួយសហរដ្ឋអាមេរិក និងអ៊ីស្រាអែល ក្នុងរយៈពេលប៉ុន្មានថ្ងៃថ្មីៗនេះ ក៏ដោយ។

ការថ្លែងលើកឡើងរបស់លោក Trump បានធ្វើឡើងក្នុងពេលមានភាពតានតឹងកើនឡើងនៅក្នុងតំបន់ ខណៈលោកបានបញ្ជាឱ្យបន្តវាយប្រហារលើអ៊ីរ៉ង់ ក្រោយការបាញ់ទម្លាក់ឧទ្ធម្ភាគចក្រកងទ័ពសហរដ្ឋអាមេរិក កាលពីថ្ងៃចន្ទ។