អ៊ុយក្រែន៖ ការវាយប្រយុទ្ធគ្នាដ៏ស្វិតស្វាញនៅក្នុងប្រទេសអ៊ុយក្រែន បានឈានចូលដល់ខែទី៣ ហើយ ខណៈរុស្ស៊ីនៅតែបន្តបាញ់ផ្លោងលើទីក្រុងកំពង់ផែភាគខាងត្បូង Mariupol និងបានបើកការវាយប្រហារថ្មីៗនៅទូទាំងតំបន់ Donbas ខណៈពលរដ្ឋរុស្ស៊ី និងអ៊ុយក្រែនប្រារព្ធពិធីបុណ្យអ៊ីស្ទ័រនៃគ្រិស្តសាសនិកនិកាយអូថូដុក (Orthodox Easter)។
កាលពីថ្ងៃអាទិត្យ ប្រទេសអ៊ុយក្រែនបានអំពាវនាវឲ្យមានបទឈប់បាញ់ក្នុងទីក្រុងសមរភូមិ Mariupol សម្រាប់ថ្ងៃពិធីបុណ្យអ៊ីស្ទ័រនៃគ្រិស្តសាសនិកនិកាយអូថូដុក ដែលបានប្រារព្ធឡើងទាំងនៅក្នុងប្រទេសរុស្ស៊ី និងអ៊ុយក្រែន។ គេបានដឹងភ្លាមៗថា កងកម្លាំងរបស់រុស្ស៊ីបានបើកការវាយប្រហារតាមអាកាសបន្ថែមទៀត ស្រោចទៅលើរោងចក្រស្លដែក Azovstal ក្នុងទីក្រុង Mariupo ដើម្បីវាយបណ្ដេញទាហានអ៊ុយក្រែនសេសសល់ចុងក្រោយ កំពុងលាក់ខ្លួនក្នុងទីក្រុងកំពង់ផែយុទ្ធសាស្ត្រ ឆ្លើយតបទៅនឹងអ្នកនាំពាក្យកងកម្លាំងប្រដាប់អាវុធអ៊ុយក្រែនលោក Oleksandr Shtupun។
ទីប្រឹក្សាប្រធានាធិបតីអ៊ុយក្រែនលោក Mykhailo Podolyak បាននិយាយនៅលើបណ្ដាញសង្គម Twitter ភ្លាមៗថា កន្លែងដែលជនស៊ីវិល និងកងទ័ពជើងទឹករបស់យើងស្នាក់នៅកំពុងរងការបាញ់ផ្លោង ដោយមានការទម្លាក់គ្រាប់បែបពីលើអាកាស និងកាំភ្លើងធំ ដោយអំពាវនាវឲ្យមានបទឈប់បាញ់ ក្នុងពេលប្រទេសនេះប្រារព្ធពិធីបុណ្យ Easter ក្នុងទីក្រុង Mariupol៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
