លោក Huang Zhiqiang គឺជាមន្រ្តីលេខ ២ ថ្នាក់តំបន់ និយាយប្រាប់សន្និសីទសារព័ត៌មានថា តំបន់ម៉ុងហ្គោលីខាងក្នុង ដែលជាតំបន់ផលិតធ្យូងថ្មលំដាប់កំពូលរបស់ចិន កំពុងធ្វើឲ្យមានតុល្យភាពលើការប្រើប្រាស់ទុនបម្រុងធ្យូងថ្មដ៏ធំសម្បើមរបស់ខ្លួន ជាមួយនឹងការអភិវឌ្ឍយ៉ាងឆាប់រហ័សថាមពលកកើតឡើងវិញ ។

តំបន់ម៉ុងហ្គោលីខាងក្នុង កំពុងពង្រីកគម្រោងបំលែងធ្យូងថ្មទៅជាប្រេង ឧស្ម័ន និងសារធាតុគីមី ដើម្បីកាត់បន្ថយការពឹងផ្អែកលើការនាំចូល ដែលវាឆ្លុះបញ្ចាំងពីការផ្តោតសំខាន់នៅបន្តរបស់ពួកគេលើសន្តិសុខថាមពល ។

លោក Zou Quanlin គឺជាមន្រ្តីមកពីក្រុមហ៊ុន Envision Energy និយាយថា សមត្ថភាពដំឡើងថាមពលថ្មី លើសពីថាមពលកម្ដៅរួចទៅហើយ ដូច្នេះហើយ ថាមពលថ្មីកំពុងអភិវឌ្ឍយ៉ាងឆាប់រហ័ស ហើយការពឹងផ្អែកតែម្យ៉ាងលើថាមពលកម្តៅ នឹងពុំមាននិរន្តរភាពនាពេលអនាគតនោះទេ ។

ក្រុមមន្រ្តីនិយាយថា តំបន់ម៉ុងហ្គោលីខាងក្នុង កំពុងធ្វើឲ្យមានតុល្យភាពការប្រើប្រាស់ទុនបម្រុងធ្យូងធំសម្បើម ក្នុងនោះការអភិវឌ្ឍថាមពលកកើតឡើងវិញកំពុងកើនឡើង បើទោះបីជាគម្រោងបំលែងធ្យូងថ្មទៅជាសារធាតុគីមី បង្ហាញការលំបាកចំពោះគោលដៅអាកាសធាតុរបស់ចិនក៏ដោយ ។

ដោយឡែក លោក Xu Xhe គឺជាអនុប្រធានការិយាល័យព្រៃឈើ និងវាលស្មៅតំបន់ Dadad និយាយថា វាមានផលប៉ះពាល់ធំខ្លាំងណាស់លើបរិស្ថាន ដូច្នេះហើយ វានឹងនាំមកនូវអត្ថប្រយោជន៍ទាំងផ្នែកអេកូឡូស៊ី និងសេដ្ឋកិច្ច ។

លោកថា តាមរយៈការសាងសង់គម្រោងថាមពលពន្លឺព្រះអាទិត្យទាំងនេះ ស្ថានភាពព្យុះខ្សាច់កើតឡើងស្ទើរតែរាល់ថ្ងៃកាលពីមុន នឹងធ្វើឲ្យមានការផ្លាស់ប្តូរបន្តិចម្តងៗ ។ ដូច្នេះហើយ តាមទស្សនៈរបស់លោក អត្ថប្រយោជន៍អេកូឡូស៊ី អស្ចារ្យជាងអត្ថប្រយោជន៍សេដ្ឋកិច្ច ហើយវាគឺជាហេតុផលសំខាន់ ដែលគម្រោងទាំងអស់នេះ ត្រូវបានសាងសង់ឡើងនៅតំបន់វាលខ្សាច់ ៕