កំពង់ស្ពឹ៖ ឯកឧត្តម ហ៊ុន ម៉ានី តំណាងរាស្រ្តមណ្ឌលកំពង់ស្ពឺ នាព្រឹកថ្ងៃទី២៦ ខែមេសា ឆ្នាំ២០២២នេះ បានអញ្ជើញសម្ពោធបណ្ណាល័យនាវាយុវជន អាស៊ីអាគ្នេយ៍កម្ពុជា ស្ថិតក្នុង សាលា បឋម សិក្សា និងអនុវិទ្យាល័យពីងពង់ ក្នុងឃុំដំណាក់រាំង ស្រុកឧដុង្គ ខេត្តកំពង់ស្ពឺ។

បើតាមឯកឧត្តម ស្រ៊ាង គឹមលី ប្រធានសមាគមនាវាយុវជនអាស៊ីអាគ្នេយ៍កម្ពុជា និងជា ប្រធាន ក្រុមការងារចុះជួយឃុំដំណាក់រាំង បានឲ្យដឹងថា បណ្ណាល័យដែលបានសាងសង់រួចនេះ មានឈ្មោះថា បណ្ណាល័យនាវាយុវជនអាស៊ីអាគ្នេយ៍កម្ពុជា មានទំហំ៨.៥ម៉ែត្រ គុណ១៦ម៉ែត្រ ដែលត្រូវបានចាប់ផ្តើមបើកការដ្ឋានសាងសង់ឡើងកាលពីខែមិថុនា ឆ្នាំ២០២០ និងបានរួចរាល់ជា ស្ថាពរ នៅក្នុងខែមិថុនា ឆ្នាំ២០២១។ការសាងសង់បណ្ណាល័យនេះ ចំណាយថវិកាអស់ ប្រមាណ ៣០,០០០ ដុល្លារ។ ថវិកាទាំងនេះ បានមកពីថវិកាសន្សំរបស់សមាគម ពីថ្នាក់ដឹកនាំ និងសប្បុរស ជន នានា។

អគារមួយខ្នងនេះ បានដាក់ឈ្មោះជាបណ្ណាល័យ ប៉ុន្តែជាក់ស្តែងបច្ចុប្បន្នគឺត្រូវ បានពុះ ធ្វើជាថ្នាក់រៀន ២ថ្នាក់ សម្រាប់សិស្សរៀន ជំនួសថ្នាក់រៀន២ថ្នាក់ ដែលប្រើប្រាស់នៅក្នុងអគារ ចាស់ ទ្រុឌទ្រោមខ្លាំង។ នៅពេលអនាគត ពេលដែលសាលាទទួលបានថ្នាក់រៀន សមរម្យគ្រប់គ្រាន់ ពីក្រសួង អប់រំ យុវជន និងកីឡា សមាគមនឹងត្រឡប់មក ដើម្បីកែសម្រួលនឹងរៀបចំឲ្យទៅ ជាបណ្ណា ល័យ ពេញ លេញ វិញ។

ទន្ទឹមនឹងនោះឯកឧត្តម វ៉ី សំណាង អភិបាលខេត្តកំពង់ស្ពឺ បានសម្តែងការពេញចិត្ត ចំពោះ ការ សម្រួល និងអភិវឌ្ឍវិស័យអប់រំក្នុងខេត្តកំពង់ស្ពឺ «កូនក្មួយបច្ចុប្បន្នមានសំណាង បានកាន់ ប៊ិច កាន់ សៀវភៅ ដើរចូលសាលា មិនចាំបាច់ពិបាកក្នុងការសាងសង់អគារ ដោយខ្លួនឯង ដូចកាលពី ពូ នៅ ជា សិស្ស ប្អូនៗ ក្មួយៗ មានសំណាងដែលទទួលបានអាគារសិក្សាថ្មី និងបណ្ណាល័យ ដើម្បីសិក្សា រៀនសូត្រ និងស្វ័យសិក្សា។

ឯកឧត្តមក៏បានធ្វើការកោតសរសើរដល់ ក្រុមការងារដែលខិតខំ ប្រឹងប្រែង ប្រមូល ថវិការដើម្បីសាងសង់បណ្ណាល័យ ហើយភាពជោគជ័យទាំងអស់នេះ គឺស្ថិតក្រោម បាតដៃ នៃម្លប់ សុខសន្តិភាព របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជា ណាចក្រ កម្ពុជា។

ឯកឧត្តម ហ៊ុន ម៉ានី បានថ្លែងអំណរគុណដល់ សប្បុរសជន និងក្រុមការងារនាវាយុវជន អាស៊ី អាគ្នេយ៍កម្ពុជា ដែលបានផ្តល់ជូននូវអាគារបណ្ណាល័យមួយខ្នងជូនដល់ឃុំដំណាក់រាំង ខេត្តកំពង់ស្ពឺ និងសូមអបអរសាទរដល់លោកគ្រូ អ្នកគ្រូ និងសិស្សានុសិស្សរួមទាំងប្រជាពលរដ្ឋ ឃុំដំណាក់រាំង ដែល ទទួល បានអគារថ្មី ដែលនេះនឹងក្លាយទៅជាធនធានបន្ថែមទៀត​ សម្រាប់ការសិក្សា​របស់​ក្មួយៗ។ "ការផ្តល់ជូនអគារមួយខ្នងថ្មីនេះ គឺជាកាយវិការដែលគួរឲ្យកោតសរសើរ និង​គួរ​ឲ្យលើក​ទឹកចិត្ត ​ហើយ ដែលជាគំរូនៃការចូលរួមត្រឡប់មកវិញជូនដល់សង្គម​ជាតិតាមលទ្ធភាព​រៀង​រៀងខ្លួន”។

ក្រៅពីការសម្ភោធអគារបណ្ណាល័យថ្មី និងដោយមើលឃើញស្ថានភាពជាក់ស្ដែង នៃអគារចាស់ ទ្រុឌ ទ្រោម មួយខ្នងនៅក្នុងសាលារៀន ឯកឧត្តម ហ៊ុន ម៉ានី បានស្នើក្រុមការងារ សិក្សាលទ្ធភាព នៅក្នុង ការ សាងសង់អគារថ្មីមួយខ្នង មានចំនួនបីបន្ទប់ ជំនួសឲ្យអគារដែលចាស់ទ្រុឌទ្រោម ដើម្បីផ្តល់ ជូនជា កាដូ បន្ថែមជូនទៅដល់លោកគ្រូ អ្នកគ្រូ និងសិស្សានុសិស្សក៏ដូច​ជាប្រជាពលរដ្ឋក្នុងឃុំផងដែរ៕ អត្ថបទ រដ្ឋា