រុស្ស៊ី៖ សម្ព័ន្ធមិត្តមួយរូបក្នុងចំណោមសម្ព័ន្ធមិត្តជិតស្និទ្ធបំផុតរបស់លោកប្រធានាធិបតីរុស្ស៊ី Vladimir Putin បាននិយាយកាលពីថ្ងៃអង្គារថា ប្រទេសអ៊ុយក្រែនកំពុងបោះជំហានទៅរកការដួលរលំទៅជារដ្ឋតូចៗ ដោយសារអ្វីដែលលោកមើលឃើញថា សហរដ្ឋអាមេរិកព្យាយាមប្រើប្រាស់ទីក្រុង Kyiv ជាឧបករណ៍ដើម្បីផ្ដួលរុស្ស៊ី។
ការអត្ថាធិប្បាយចេញពីមាត់របស់លោក Nikolai Patrushev ដែលជាលេខាធិការដ៏មានឥទ្ធិពលនៃក្រុមប្រឹក្សាសន្តិសុខជាតិរុស្ស៊ី ទំនងជាស្ដីបន្ទោសសហរដ្ឋអាមេរិកចំពោះការបែកបាក់ក្នុងប្រទេសអ៊ុយក្រែន ដោយសារតែជម្លោះនេះ។ នៅក្នុងបទសម្ភាសន៍មួយជាមួយការសែតរដ្ឋាភិបាល Rossiyskaya Gazeta លោក Patrushev បាននិយាយថា សហរដ្ឋអាមេរិកបានព្យាយាមជាច្រើនឆ្នាំមកហើយ ដើម្បីសាបព្រួសការស្អប់ខ្ពើមគ្រប់បែបយ៉ាងទៅកាន់ប្រជាជនរុស្ស៊ីនៅក្នុងប្រទេសអ៊ុយក្រែន។
លោកថា ដោយការប្រើប្រាស់មេគំនិតរបស់ពួកគេនៅក្នុងទីក្រុង Kyiv សហរដ្ឋអាមេរិកព្យាយាមដាក់សម្ពាធលើរុស្ស៊ី បានសម្រេចចិត្តបង្កើតការប្រឆាំងដោយផ្ទាល់លើប្រទេសរបស់ពួកលោក ដោយការចាប់យកអ៊ុយក្រែនធ្វើជាឧបករណ៍ ព្យាយាមបំបែកបំបាក់រុស្ស៊ីចាប់ពីមនុស្សម្នាក់ឡើងទៅ។ ដោយសារតែគោលនយោបាយរបស់លោកខាងលិច និងរបបក្នុងក្រុង Kyiv អាចមើលឃើញប្រទេសអ៊ុយក្រែនបែកបាក់ទៅជារដ្ឋជាច្រើន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
