អនុប្រធានាធិបតីសហរដ្ឋអាមេរិក លោក JD Vance បានត្រៀមរួចជាស្រេចដើម្បីដើរតួនាទីធំបំផុតរបស់លោកនៅលើឆាកអន្តរជាតិជាប្រធានអ្នកចរចារបស់លោកប្រធានាធិបតី Donald Trump ដើម្បីបញ្ចប់សង្គ្រាមរយៈពេលបីខែជាមួយអ៊ីរ៉ង់ ជាពេលវេលាដែលអាចប៉ះពាល់ដល់ការរំពឹងទុករបស់លោក Vance ជាអ្នកបន្តតំណែងនៅសេតវិមាន។

ប្រទេសទាំងពីរ បានយល់ស្របលើកិច្ចព្រមព្រៀងសន្តិភាពបណ្តោះអាសន្នមួយកាលពីថ្ងៃពុធដែលបានផ្អាកអរិភាព ប៉ុន្តែបានបន្សល់ទុកបញ្ហាស្នូលដែលនៅមិនទាន់ដោះស្រាយដោយពន្យារពេលការសម្រេចលើកម្មវិធីនុយក្លេអ៊ែររបស់អ៊ីរ៉ង់ ការគាំទ្ររបស់អ៊ីរ៉ង់ចំពោះក្រុមតំណាងប្រដាប់អាវុធក្នុងតំបន់ និងច្រកសមុទ្រ Hormuz ដ៏សំខាន់ខាងសេដ្ឋកិច្ចអំឡុងការចរចា៦០ថ្ងៃ។កិច្ចពិភាក្សាទាំងនេះ គឺជាសេណារីយ៉ូដែលមានហានិភ័យខ្ពស់សម្រាប់គ្រប់ភាគីទាំងអស់នៅក្នុងជម្លោះ តំបន់មជ្ឈិមបូព៌ាដ៏ធំទូលាយ និងសម្រាប់មហិច្ឆតានយោបាយរបស់លោក Vance។

ដោយស្ថានភាពនៅតែមិនស្ថិតស្ថេរ លោក Vance បានលុបចោលជើងហោះហើរតាមការគ្រោងទុកកាលពីយប់ថ្ងៃព្រហស្បតិ៍ទៅកាន់ប្រទេសស្វីសសម្រាប់ការចាប់ផ្តើមការចរចា ទោះបីជាសេតវិមានបាននិយាយថា គណៈប្រតិភូអាមេរិក បានត្រៀមជាស្រេចដើម្បីធ្វើដំណើរ។

លោក Vance បាននិយាយថា ប្រសិនបើអ៊ីរ៉ង់ មិនផ្លាស់ប្តូរឥរិយាបថរបស់ខ្លួនទេ យោធា និងកម្មវិធីនុយក្លេអ៊ែររបស់ប្រទេសនេះនៅតែត្រូវបានកម្ទេច។ ប្រសិនបើពួកគេផ្លាស់ប្តូរឥរិយាបថ នោះពួកគេនឹងមានទំនាក់ទំនងផ្លាស់ប្តូរជាមួយតំបន់មជ្ឈិមបូព៌ា ហើយតំបន់មជ្ឈិមបូព៌ាក៏នឹងមានទំនាក់ទំនងផ្លាស់ប្តូរជាមួយប្រជាជនអ៊ីរ៉ង់។