នាយករដ្ឋមន្ត្រីអ៊ីស្រាអែល លោក Benjamin Netanyahu និងរដ្ឋមន្ត្រីការពារជាតិ លោក Israel Katz និយាយថា អ៊ីស្រាអែលនឹងមិនដកកងទ័ពរបស់ខ្លួនចេញពីភាគខាងត្បូងប្រទេសលីបង់ទេ ដោយលោក Katz បាននិយាយថា យោធានឹងបន្តកម្ចាត់ការគំរាមកំហែងពីក្រុមហេសបូឡា។

ប៉ុន្តែអ្វីដែលអ្នកវិភាគខាងយោធាកំពុងនិយាយគឺថា លោក Katz មិនបាននិយាយអ្វីទាំងអស់អំពីប្រតិបត្តិការវាយលុករុលចូល ឬការវាយប្រហារនោះទេ ហើយវាទំនងជាការឆ្លើយតបទៅនឹងសម្ពាធរបស់អាមេរិក។

យោងតាមអាជ្ញាធរផ្សព្វផ្សាយអ៊ីស្រាអែលបានឲ្យដឹងថា យោធាអ៊ីស្រាអែលបានបញ្ចប់ប្រតិបត្តិការវាយលុករបស់ខ្លួន នោះហើយជាមូលហេតុដែលខ្លួនកំពុងសម្លឹងមើលការកាត់បន្ថយកងកម្លាំងមួយចំនួនដែលបានដាក់ពង្រាយនៅភាគខាងត្បូងប្រទេសលីបង់។

វាទំនងជាមានការទទូចក្នុងចំណោមមន្ត្រីអ៊ីស្រាអែលថានឹងពុំមានការដកទ័ពចេញពីអ្វីដែលគេហៅថា «បន្ទាត់លឿង» នៅក្នុងប្រទេសលីបង់ទេ។ ជាការពិត អ៊ីស្រាអែលនៅតែនិយាយអំពីការចង់បន្តនៅក្នុងតំបន់ដែលពួកគេបានចូលកាន់កាប់កាលពីចុងខែឧសភា ហើយពួកគេបានបន្តរុលចូលទៅក្នុងភាគខាងត្បូងប្រទេសលីបង់។