ភ្នំពេញ៖ ភាគីថៃជូនដំណឹងជាផ្លូវការមកកម្ពុជាអំពីការជ្រើសរើសអ្នកផ្សះផ្សាចំនួនពីររូបរួចហើយដើម្បីចូលរួមក្នុងយន្តការផ្សះផ្សាដោយបង្ខំ (Compulsory Conciliation) ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ដើម្បីដោះស្រាយបញ្ហាព្រំដែនសមុទ្ររវាងប្រទេសទាំងពីរ។ នេះបើតាមអ្នកនាំពាក្យក្រសួងការបរទេសកម្ពុជា ប្រាប់ BTV នៅថ្ងៃទី២២ ខែមិថុនានេះ។
ឯកឧត្តម ចាន់ រតនា អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ កម្ពុជា បានប្រាប់ BTV នៅថ្ងៃទី២២ ខែមិថុនានេះថា៖ ក្រសួងការបរទេស បានទទួលការជូនដំណឹងជាផ្លូវការពីភាគីថៃ កាលពីថ្ងៃទី១៩ ខែមិថុនា ឆ្នាំ២០២៦ អំពីជ្រើសរើសអ្នកផ្សះផ្សាចំនួនពីររូប។
ឯកឧត្តមបានថ្លែងថា បន្ទាប់ពីថៃជ្រើសរើសជ្រើសរើសអ្នកផ្សះផ្សា២រូបរួចហើយ គឺអ្នកផ្សះផ្សាចំនួន ២រូបរបស់កម្ពុជា និងអ្នកផ្សះផ្សាពីររូបរបស់ថៃ និងជួបគ្នានៅបេលខាងមុខនេះ ដើម្បីឈានទៅជ្រើសរើសប្រធានមួយរូប ដែលជាមាជិកទី៥ ហើយបង្កើតទៅជាគណៈកម្មការនៃអ្នកផ្សះផ្សាសម្រាប់ការផ្ដល់យោបល់ និងអនុសាសន៍លើការដោះស្រាយដោយសន្ដិវិធីជុំវិញបញ្ហាព្រំដែនសមុទ្រកម្ពុជា និងថៃ។ ហើយក្នុងរយៈពេល ៣០ថ្ងៃ គឺអ្នកផ្សះផ្សាទាំង៤រូបនឹងត្រូវប្រជុំពិភាក្សាជ្រើសរើសប្រធាន។
ឯកឧត្តមបានបញ្ជាក់ថា បន្ទាប់ពីជ្រើសរើសបានប្រធានហើយ គឺគណៈកម្មការចំនួន៥រូប នឹងពិភាក្សានីតិវិធីផ្ទៃក្នុង ឯកឧត្តមបានបញ្ជាក់ថា បន្ទាប់ពីជ្រើសរើសបានប្រធានហើយ គឺគណៈកម្មការចំនួន៥រូប នឹងពិភាក្សានីតិវិធីផ្ទៃក្នុង ក្រោយពីពិភាក្សាអនុម័តទៅលើនីតិវិធីផ្ទៃក្នុងរួចហើយនឹងចាប់ផ្តើមដំណើរការពេញលេញទៅតាមភាគីនីមួយៗដែលតម្រូវរបស់គណៈកម្មការផ្សះផ្សាដោយបង្ខំក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
