ប្រធានាធិបតីស៊ីរី លោក Ahmed al-Sharaa កាលពី​ថ្ងៃអាទិត្យ (ទី២១ ខែមិថុនា ឆ្នាំ២០២៦) បាន​បដិសេធ​ថា ប្រទេសរបស់លោកមិន​បានស្វែងរកការធ្វើអន្តរាគមន៍ផ្នែកយោធានៅលីបង់ឡើយ​ ជាទី​ដែលអ៊ីស្រាអែល និងក្រុម​ហេសបូឡាកំពុងធ្វើសង្គ្រាម បន្ទាប់ពីប្រធានាធិបតីអាមេរិក លោក Donald Trump បានលើក​ឡើង​ម្តងហើយម្តងទៀតថា ទីក្រុងដាម៉ាសអាចចូលរួមពាក់​ព័ន្ធ​។

នៅក្នុងបទសម្ភាសន៍មួយដែលចាក់ផ្សាយនៅលើកញ្ចក់​ទូរទស្សន៍ Al Mashhad លោក Sharaa បានសង្កត់​ធ្ងន់​ថា៖ «យើងកំពុងស្វែងរកបណ្តាញសេដ្ឋកិច្ច រវាងប្រទេសលីបង់ និងស៊ីរី មិនមែនបណ្តាញយោធាទេ​»។

កាល​ពី​ថ្ងៃទី២១ ខែមិថុនា លោក Trump បានប្រាប់ប្រព័ន្ធ​ផ្សព្វផ្សាយ​ Fox News ថា លោក «មាន​ការខកចិត្តដែលអ៊ីស្រាអែលមិនអាចយក​​ជ័យជម្នះ​លើ​ក្រុម​ហេសបូឡាបាន» ដោយបាន​បន្ថែមថា ទាក់​ទង​នឹង​ប្រយុទ្ធជាមួយ​ក្រុមសកម្មប្រយុទ្ធនេះ​ លោក​ជិតប្រគល់កិច្ច​ការ​នេះ​ឲ្យ​ទៅស៊ីរីហើយ។

គួរ​បញ្ជាក់ថា ហេសបូឡាបានទាញប្រទេសលីបង់ឲ្យ​ចូលទៅក្នុងសង្គ្រាមមជ្ឈិមបូព៌ាកាល​ពី​ថ្ងៃទី២ ខែមីនា ដោយ​ការបាញ់រ៉ូកែ​តទៅលើអ៊ីស្រាអែល ដើម្បីសងសឹក ចំពោះការសម្លាប់មេដឹកនាំកំពូលរបស់អ៊ីរ៉ង់ អំឡុង​ការវាយប្រហារ រវាងសហរដ្ឋអាមេរិក និងអ៊ីស្រាអែល នៅ​ប៉ុន្មានថ្ងៃមុនប្រតិបត្តិការ​របស់ខ្លួន​។ អ៊ីស្រាអែលបានឆ្លើយតបដោយការវាយប្រហារតាមអាកាស និងការលុក​លុយ​ផ្លូវ​គោក៕