ម៉ាឡេស៊ីនឹងបញ្ចុះតម្លៃប្រេងម៉ាស៊ូតមកនៅត្រឹម ០,៥១ដុល្លារ ក្នុង ១លីត្រនៅទូទាំងប្រទេសសម្រាប់ពលរដ្ឋរបស់ខ្លួនចាប់ពីខែកក្កដាតទៅ ក្រោយខុសប្លែកគ្នានាពេលបច្ចុប្បន្នរវាងតម្លៃប្រេងម៉ាស៊ូតដែលមានការឧបត្ថម្ភធន និងប្រេងម៉ាស៊ូតមិនមានការឧបត្ថម្ភធន ជាហេតុនាំឲ្យមានការរត់ពន្ធ និងបាត់បង់ប្រាក់ចំណូលរដ្ឋ ។

បច្ចុប្បន្នប្រេងម៉ាស៊ូតលក់ក្នុងតម្លៃមានឧបត្ថម្ភធន ០,៦០ដុល្លារ ក្នុង ១លីត្រនៅរដ្ឋភាគខាងកើត Sabah និង Sarawak ធៀបនឹង ១,០៥ដុល្លារ ក្នុង ១លីត្រ នៅឧបទ្វីបម៉ាឡេស៊ី ។

នេះមានន័យថា ក្រោមគោលនយោបាយថ្មី អ្នកបើកបរនឹងចំណាយតិចជាងពាក់កណ្តាលនៃអត្រាតម្លៃប្រេងម៉ាស៊ូតនៅឧបទ្វីបម៉ាឡេស៊ី ។

ចាប់តាំងពីខែមិថុនា ឆ្នាំ ២០២៤រហូតមក តម្លៃប្រេងម៉ាស៊ូតបានហើបឡើងរហូត ក្នុងឧបទ្វីបម៉ាឡេស៊ី ខណៈតំបន់ភាគខាងកើតម៉ាឡេស៊ីល នៅទទួលបានឧបត្ថម្ភធន ពេលដែលរថយន្តប៉ុង ២ ត្រូវបានគេចាត់ទុកថាចាំបាច់ ដោយសារតំបន់ដីរដុបនៅទីនោះ ។

សូមបញ្ជាក់ថា កាលពីខែមេសាកន្លងទៅ តម្លៃប្រេងម៉ាស៊ូត បានកើនឡើងខ្ពស់កប់ពពកតម្លៃ ១,៦២ដុល្លារ ក្នុង ១លីត្រនៅឧបទ្វីម៉ាឡេស៊ី ៕