នៅក្នុងបទសម្ភាសន៍មួយជាមួយប្រព័ន្ធផ្សព្វផ្សាយអ៊ុយក្រែន ដែលបានចេញផ្សាយកាលពី​យប់ថ្ងៃអាទិត្យ (ទី២១ ខែមិថុនា ឆ្នាំ២០២៦) លោក​ប្រធានាធិបតី Volodymyr Zelensky បាននិយាយថា ប្រទេស​អ៊ុយក្រែននឹងសម្រេចថា តើ​អ្នកណាត្រូវ​តំណាងឲ្យ​អឺរ៉ុបនៅក្នុងការចរចាណាមួយជាមួយរុស្ស៊ី។

អ៊ុយក្រែនបានព្យាយាមធ្វើឲ្យកាន់តែ​រឹង​មាំឡើង​វិញ​ដល់​​​ការជំរុញការទូត ដើម្បីបញ្ចប់សង្គ្រាមដែលមានរយៈពេល​ជាង ៤ឆ្នាំហើយ​របស់រុស្ស៊ី ដោយរួមបញ្ចូលប្រទេសតំបន់​អឺរ៉ុប ខណៈដែលការចរចាគាំទ្រដោយសហរដ្ឋអាមេរិក បានជាប់គាំង អំឡុង​សង្គ្រាម នៅ​អ៊ីរ៉ង់ ហើយអ៊ុយក្រែន បានបដិសេធការទាមទាររបស់រុស្ស៊ី ដែល​ចង់​ឲ្យ​ខ្លួន​ព្រម​ប្រគល់ទឹកដី។

លោក Zelensky បាននិយាយថា អ៊ុយក្រែនត្រូវបានពិភាក្សា «យ៉ាងវែង​ជាងពេលណាៗទាំងអស់» នៅក្នុងកិច្ចប្រជុំក្រុមប្រឹក្សាអឺរ៉ុបកាលពីសប្តាហ៍មុន។ ដោយបាន​បញ្ជូនការ​កត់សម្គាល់​របស់លោកទៅកាន់ប្រព័ន្ធផ្សព្វផ្សាយអ៊ុយក្រែន នៅ​លើ​វេទិកាបណ្ដាញ​សង្គម X លោកបានលើកឡើង​ថា៖ «យើងបានពិភាក្សាអំពីតួនាទីរបស់អឺរ៉ុប នៅក្នុងការសន្ទនាជាមួយរុស្ស៊ី និងអ្វី​ដែល​តួនាទីនោះគួរតែមាន»។

មេដឹកនាំ​អ៊ុយក្រែន​បាន​បន្ថែម​ថា៖ «អឺរ៉ុបនឹងពិចារណាលើទម្រង់បែបបទ និងស្នើជម្រើសជាច្រើន ប៉ុន្តែអ៊ុយក្រែននឹងសម្រេចថា តើ​អ្នកណាតំណាងឲ្យ​អឺរ៉ុបនៅក្នុងការចរចា។ នោះជារឿងត្រឹមត្រូវ»។

គួរបញ្ជាក់​ថា មេដឹកនាំអឺរ៉ុបថ្មីៗនេះ បានចាប់ផ្តើមពិភាក្សាអំពីលទ្ធភាពនៃការចរចាដោយផ្ទាល់ជាមួយទីក្រុងមូស្គូ ប៉ុន្តែពួកគេមានការខ្វែងគំនិតគ្នា អំពីរបៀបដោះស្រាយទំនាក់ទំនងជាមួយរុស្ស៊ី៕