នៅថ្ងៃចន្ទនេះ តុលាការកំពូលអេស្ប៉ាញ បានកាត់ទោសលោកអតីតរដ្ឋមន្រ្តីដឹកជញ្ជូន Jose Luis Abalos ឲ្យជាប់ពន្ធនាគាររយៈពេល ២៤ឆ្នាំ សម្រាប់ករណីពុករលួយ ដែលជាសាលក្រមដំបូងក្នុងចំណោមរឿងអាស្រូវជាច្រើន ធ្វើឲ្យប៉ះពាល់ដល់គណបក្សកាន់អំណាចសង្គមនិយម ។

លោក Abalos ត្រូវបានកាត់ទោសក្នុងបទបំពានជាច្រើនករណី រួមទាំងការរៀបចំឧក្រិដ្ឋកម្ម ស៊ីសំណូក ការកិបកេងប្រាក់ និងអំពើជួញដូរឥទ្ធិពល ពាក់ព័ន្ធនឹងការរៀបចំកិច្ចសន្យាសាធារណៈសម្រាប់ការផ្គត់ផ្គង់វេជ្ជសាស្ត្រដូចជាម៉ាស់ អំឡុងការរីករាលដាលឆ្លងសកលជំងឺ COVID-19 ពេលដែលរូបលោកនៅកាន់តំណែង ។

ចំណែកឯជំនួយការរបស់លោក គឺលោក Koldo Garcia ត្រូវបានតុលាការកាត់ទោសឲ្យជាប់ពន្ធនាគាររយៈពេល ១៩ឆ្នាំ ។

ដោយឡែក ធុរកិច្ចជន Victor de Aldama ត្រូវបានតុលាការកាត់ទោសឲ្យជាប់ពន្ធនាគាររយៈពេល ៤ឆ្នាំកន្លះ ប៉ុន្តែតុលាការបានផ្អាកលក្ខខណ្ឌជាប់ពន្ធនាគារ ជាការទទួលស្គាក់កិច្ចសហប្រតិបត្តិការរបស់លោក ដើម្បីលាតត្រដាងគម្រោងការ ៕