រដ្ឋមន្ត្រីការពារជាតិអាល្លឺម៉ង់ លោក Boris Pistorius បានទៅដល់ប្រទេសលីទុយអានី កាលពីថ្ងៃចន្ទ ទី ២២ ខែមិថុនា ដើម្បីពិនិត្យមើលកងទ័ពអាល្លឺម៉ង់ដែលមានមូលដ្ឋាននៅស្លាបខាងកើតរបស់សម្ព័ន្ធយោធាណាតូ។

លោក Pistorius បានពិនិត្យមើលកងកម្លាំងអាល្លឺម៉ង់បង្ហាញរថពាសដែក រថក្រោះ និងយន្តហោះ ព្រមទាំងយានដ្រូនដែលជាសព្វាវុធកាន់តែសំខាន់ខ្លាំងឡើងនៅក្នុងសង្គ្រាមនៅអ៊ុយក្រែន។

ថ្លែងទៅកាន់ប្រព័ន្ធផ្សព្វផ្សាយនៅក្នុងសមយុទ្ធនៅតំបន់ Pabrade ជិតព្រំដែនប្រទេសរុស្ស៊ី លោក Pistorius បាននិយាយថា អឺរ៉ុបចាំបាច់ត្រូវត្រៀមខ្លួនសម្រាប់ការកាត់បន្ថយការគាំទ្ររបស់សហរដ្ឋអាមេរិក ដើម្បីការពារអឺរ៉ុបដោយមិនគិតពីរដ្ឋបាលណាឡើងកាន់អំណាចឡើយ។