រដ្ឋមន្ត្រីក្រសួងថាមពលសហរដ្ឋអាមេរិក លោក Chris Wright បាននិយាយថា ការដឹកជញ្ជូនប្រេង និងឧស្ម័នធម្មជាតិតាមរយៈច្រកសមុទ្រហ័រមូសបានវិលត្រឡប់ទៅកម្រិតមុនវិបត្តិវិញហើយ។

លោក Wright ក៏បានប្រាប់អ្នកយកព័ត៌មានផងដែរថា បរិមាណដឹកជញ្ជូនថាមពលប្រចាំថ្ងៃខ្ពស់បំផុតតាមរយៈច្រកសមុទ្រហ័រមូស ត្រូវបានកត់ត្រាទុកកាលពីថ្ងៃសៅរ៍។

ទីស្នាក់ការកណ្តាល Khatam al-Anbiya នៃកងកម្លាំងប្រដាប់អាវុធអ៊ីរ៉ង់ បានប្រកាសនៅថ្ងៃទី ២០ ខែមិថុនាថា ទីក្រុងតេអេរ៉ង់កំពុងបិទច្រកសមុទ្រហ័រមូស ដោយសារតែការឈ្លានពានជាបន្តបន្ទាប់របស់អ៊ីស្រាអែលប្រឆាំងនឹងប្រទេសលីបង់ ដែលរំលោភលើអនុស្សរណៈដែលសម្រេចបានជាមួយសហរដ្ឋអា មេរិក។

ទីភ្នាក់ងារសារព័ត៌មាន Tasnim បានរាយការណ៍នៅថ្ងៃទី ២១ ខែមិថុនា ដោយដកស្រង់ប្រភពមួយថា ទីក្រុងតេអេរ៉ង់ នឹងមិនបើកច្រកសមុទ្រហ័រមូសឡើងវិញទេ រហូតដល់បទឈប់បាញ់ត្រូវបានបង្កើតឡើងនៅក្នុងប្រទេសលីបង់ និងការរឹតបន្តឹងលើការលក់ប្រេងរបស់អ៊ីរ៉ង់ ត្រូវបានដកចេញ៕