ប្រធានាធិបតីអាមេរិកលោក Donald Trump បានទទូចនៅ​ថ្ងៃអង្គារ (ទី២៣ ខែមិថុនា ឆ្នាំ២០២៦) នេះ​ថា ប្រទេស​អ៊ីរ៉ង់បានយល់ព្រមអនុញ្ញាតឲ្យ​មានការត្រួតពិនិត្យនុយក្លេអ៊ែរ នាពេលអនាគត ទោះបីជាមានសេចក្តីថ្លែងការណ៍ពីអ៊ីរ៉ង់ថា ខ្លួនមិនបានធ្វើដូច្នេះ​សក៏ដោយ​។

តាម​រយៈ​សារបង្ហោះលើ​បណ្ដាញ​សង្គម លោក Trump បានសរសេរថា៖ «អ៊ីរ៉ង់បានយល់ព្រមទាំង​ស្រុង​ និងពេញលេញ ចំពោះការត្រួតពិនិត្យនុយក្លេអ៊ែរកម្រិតខ្ពស់បំផុត នាពេលអនាគត (គ្មានកំណត់!!!)។ នេះនឹងធានាភាពស្មោះត្រង់ផ្នែក​នុយក្លេអ៊ែរ។ ប្រសិនបើពួកគេមិនយល់ព្រម ចំពោះរឿងនេះទេ នឹងមិនមានកិច្ចចរចាបន្ថែមទៀតឡើយ​!»។

យ៉ាង​ណាក្ដី អ៊ីរ៉ង់បានបដិសេធថា ខ្លួនមិន​បានចាប់ផ្តើមការពិភាក្សា ស្ដី​ពី​កម្មវិធីនុយក្លេអ៊ែររបស់ខ្លួន ឬយល់ព្រមអញ្ជើញក្រុម​អធិការកិច្ចទីភ្នាក់ងារថាមពលអាតូមិកអន្តរជាតិឲ្យ​ត្រឡប់ចូល​ប្រទេសវិញឡើយ​។

ជាមួយ​គ្នា​នេះ លោក Trump ក៏បានលើក​ឡើង​ផងដែរថា សហរដ្ឋអាមេរិកនឹងទុកនាវាបន្តវត្ត​មាន​នៅក្នុងច្រកសមុទ្រ Hormuz ក្នុងករណីដែលចាំបាច់ត្រូវដាក់ការបិទខ្ទប់​កំពង់ផែអ៊ីរ៉ង់ឡើងវិញ ជាអ្វីដែលលោកបាននិយាយថា «នៅពេលនេះមិនទំនងកើត​ឡើង​ឡើយ​»៕