សារព័ត៌មានរដ្ឋលីបង់រាយការណ៍ថា ទាហានអ៊ីស្រាអែល បានបើកការបាញ់ប្រហារនៅតំបន់ភាគខាងត្បូងប្រទេសលីបង់ ដោយបានសម្លាប់មនុស្ស ២នាក់ និងមនុស្ស ២នាក់ផ្សេងទៀត រងរបួស បន្ទាប់ពីស្ងប់ស្ងាត់អស់រយៈពេល ២ថ្ងៃក្នុងប្រទេសមួយនេះ ស្របពេលមានបទឈប់ដ៏ផុយស្រួយ ។

ទីភ្នាក់ងារព័ត៌មានជាតិលីបង់(NNA)រាយការណ៍នៅថ្ងៃអង្គរនេះថា បុរស ២នាក់ ត្រូវបានសម្លាប់ ពេលដែលទាហានអ៊ីស្រាអែល បើកការវាយប្រហារលើពួកគេ ខណៈដែលពួកគេឈរក្បែរគ្រឿងចក្រនៅជិតទីក្រុង Nabatieh ។

នេះគឺជាករណីស្លាប់លើកដំបូងត្រូវបានរាយការណ៍ពីការបាញ់ប្រហាររបស់អ៊ីស្រាអែលនៅលីបង់ ក្នុងរយៈពេល ៣ថ្ងៃកន្លងមកនេះ ធ្វើឲ្យវាគំរាមកំហែងដល់បទឈប់បាញ់រៀបចំឡើងដោយសហរដ្ឋអាមេរិក ដែលបានចូលជាធរមានភាគច្រើន ចាប់តាំងពីថ្ងៃអាទិត្យរហូតមក ។

ក្រុមហេសបូឡារបស់លីបង់ បានបរិហារការវាយប្រហារដ៏ឃោឃៅនេះ ដោយពួកគេនិយាយថា វាបានបំពានយ៉ាងធ្ងន់ធ្ងរលើបទឈប់បាញ់ ប៉ុន្តែពួកគេពុំបាននិយាយថាតើ ពួកគេនឹងឆ្លើយតប ឬយ៉ាងណានោះទេ ។

ទោះបីជាយ៉ាងណាក៏ដោយ យោធាអ៊ីស្រាអែលនិយាយថា ពួកគេបានវាយប្រហារក្រុមភេរវកម្មប្រដាប់អាវុធដែលក្លាយជាការគំរាមកំហែងភ្លាមៗដល់ទាហានរបស់ពួកគេនៅតំបន់ Ali al-Taher ជាទីដែលកងកម្លាំងអ៊ីស្រាអែលបានប្រកាសជាតំបន់សន្តិសុខ ៕