ក្រុមបាតុករនៅតែស៊ូតទ្រាំនឹងអាកាសធាតុក្តៅ ដើម្បីតវ៉ាប្រឆាំងនឹងរដ្ឋាភិបាលអាល់បានី និងគម្រោងជម្លោះសម្រាប់រមណីយដ្ឋានប្រណីតនៅតំបន់ឆ្នេរប្រទេសមួយនេះ ។

ក្រុមបាតុករ នាំគ្នាដង្ហែរក្បួនឆ្លងកាត់ទីក្រុង Tirana ទាមទារឲ្យមានកំណែទម្រង់ជាប្រព័ន្ធ និងការលាលែងពីតំណែងរបស់រដ្ឋាភិបាល ។ រលកនៃបាតុកម្មនេះដែរ បានធ្វើឲ្យប៉ះពាល់ដល់ប្រទេសនៅតំបន់បាល់កង់មួយនេះ ចាប់តាំងពីដើមខែមិថុនារហូតមក ហើយបាតុកម្មនៅពេលយប់ បច្ចុប្បន្នបានឈានដល់សប្តាហ៍ទី ៤ ជាប់ៗគ្នា ។

ដំបូងឡើយបាតុកម្មបានផ្ទុះឡើង ដោយសារគម្រោងសាងសង់រមណីយដ្ឋានប្រណីតពាក់ព័ន្ធនឹងលោក Jared Kushner ដែលជាកូនប្រសារប្រុសរបស់ប្រធានាធិបតីសហរដ្ឋអាមេរិកលោក Donald Trump ។ ចាប់តាំងពីពេលនោះមក បាតុកម្មបានប្រែក្លាយជាចលនាប្រឆាំងនឹងអ្វីដែលក្រុមបាតុករចាត់ទុកថា ជាការខូចប្រព័ន្ធ ។

បើទោះបីជាបាតុកម្មកាលពីថ្ងៃចន្ទ មានទំហំតូចជាងការជួបជុំគ្នាមនុស្សរាប់ម៉ឺននាក់ កាលពីចុងសប្តាហ៍ក៏ដោយ ក៏ពួកគេនៅតែចេញតវ៉ាទាំងអាកាសធាតុក្តៅដែរ ៕