​អ៊ុយ​ក្រែ​ន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​អំពាវនាវ​ឱ្យ​អង្គការ​សហប្រជាជាតិ​បញ្ជូន​កង​រក្សា​សន្តិភាព​ មកកាន់​រោងចក្រ​ថាមពល​នុយក្លេអ៊ែរ Zaporizhzhia ដែល​នៅតែ​ស្ថិត​ក្រោម​ការគ្រប់គ្រង​របស់​កង​កម្លាំង​រុស្ស៊ី​។

លោក Zelenskyy បាន​ធ្វើ​អត្ថាធិប្បាយ​ក្នុង​អំឡុង​សន្និសីទ​សារព័ត៌មាន ​ជាមួយ​អគ្គនាយក​ទីភ្នាក់ងារ​ថាមពល​អា​តូ​មិ​ក​អន្តរជាតិ (IAEA) ជា​កន្លែង​ដែល​លោក​បាន​ផ្តល់​មេដាយ​ដល់​បុគ្គលិក​រោងចក្រ​នុយក្លេអ៊ែរ Chernobyl។​ ​លោក Zelenskyy បាន​និយាយ​ថា ដោយ​គិត​ពី​កម្រិត​នៃ​ការ​គំរាមកំហែង យើង​គិត​ថា​ ប្រតិកម្ម​ចំពោះ​សកម្មភាព​របស់​រុស្ស៊ី​ត្រូវ​តែ​មាន​លក្ខណៈ​ខុស​ប្លែក​។​ ​ប្រធាន​ទីភ្នាក់ងារ​ថាមពល​អា​តូ​មិ​ក​អន្តរជាតិ (IAEA) លោក Rafael Mariano Grossi បាន​និយាយ​ថា ​វា​អាច​ទៅ​រួច​ដែល​ឧបទ្ទវហេតុ​អាច​កើតឡើង ​ខណៈ​ទាហាន​រុស្ស៊ី​ដណ្ដើម​បានការ​គ្រប់​គ្រង​រោងចក្រ ជាទី​តាំង​នៃ​គ្រោះ​មហន្តរាយ​នុយក្លេអ៊ែរ Chernobyl ឆ្នាំ១៩៨៦។​

​ទាហាន​រុស្ស៊ី​បាន​ចូល​ទៅ​ក្នុង​តំបន់​ហាមឃាត់​រោងចក្រ Chernobyl ដែល​មាន​សារធាតុ​វិទ្យុសកម្មកាលពី​ខែ​កុម្ភៈ​ ក្នុង​ដំណើរ​ឆ្ពោះ​ទៅ​កាន់​រដ្ឋធានី​គី​វ​របស់​អ៊ុយ​ក្រែ​ន ហើយ​បាន​ដកថយ​មកវិញ​កាលពី​ចុងខែ​មុន ខណៈ​រុស្ស៊ី​បាន​ផ្លាស់ប្ដូរ​ការ​ផ្តោត​គោលដៅ​របស់​ខ្លួន​ទៅ​ប្រយុទ្ធ​នៅ​ភាគ​ខាងកើត​អ៊ុយក្រែ​ន៕

អត្ថបទ៖ ប៊ុនថន