ប្រធានាធិបតី វ្ល៉ាឌីមៀរ ពូទីន (Vladimir Putin)បានថ្លែងកាលពីថ្ងៃអង្គារ២៣មិថុនាសប្ដាហ៍នេះថា រុស្ស៊ីត្រៀមខ្លួនរួចជាស្រេចសម្រាប់ការចរចាជាមួយអ៊ុយក្រែន ដោយផ្អែកលើកិច្ចព្រមព្រៀងទីក្រុង អាន់ឃើរ៉េជ (Anchorage)និងទីក្រុងអ៊ីស្តង់ប៊ុល ព្រមទាំងការពិតជាក់ស្តែងលើបញ្ហាទឹកដី។ថ្លែងក្នុងកិច្ចប្រជុំជាមួយមន្ត្រីរដ្ឋាភិបាល លោក Putin គូសបញ្ជាក់ថា ដំណើរការចរចាត្រូវបានរំខានដោយគំនិតផ្តួចផ្តើមរបស់អ៊ុយក្រែន។

លោកថា រុស្ស៊ីត្រៀមខ្លួនរួចជាស្រេចសម្រាប់ការចរចាសន្តិភាពជាមួយអ៊ុយក្រែន ដោយផ្អែកលើកិច្ចព្រមព្រៀងដែលសម្រេចបាននៅទីក្រុងអ៊ីស្តង់ប៊ុលឆ្នាំ២០២២ ផ្អែកលើកិច្ចព្រមព្រៀងសម្រេចបាននៅទីក្រុងអ៊ីស្តង់ប៊ុល លើមធ្យោបាយដែលបានពិភាក្សានៅទីក្រុងអាន់ឃើរ៉េជ និងសំខាន់បំផុត លើការពិតជាក់ស្តែងនៅលើបញ្ហាទឹកដី។

លោក Putin ថា អ៊ុយក្រែនកំពុងព្យាយាមបង្កើតលក្ខខណ្ឌអំណោយផលសម្រាប់ខ្លួនឯង មុនពេលលទ្ធភាព បន្តឡើងវិញនៃការចរចាសន្តិភាពដែលជាប់គាំង ដោយបើកការវាយប្រហារនៅក្នុងប្រទេសរុស្ស៊ី។

រុស្ស៊ី និងអ៊ុយក្រែនបានធ្វើកិច្ចចរចាសន្តិភាពឡើងវិញចំនួនបីជុំកាលពីឆ្នាំមុននៅទីក្រុងអ៊ីស្តង់ប៊ុល — នៅថ្ងៃទី១៦ ខែឧសភា ថ្ងៃទី២ ខែមិថុនា និងថ្ងៃទី២៣ ខែកក្កដា ដែលបានដោះដូរអ្នកទោសជាច្រើន និងសេចក្តីព្រាងអនុស្សរណៈដែលគូសបញ្ជាក់ពីជំហររបស់ភាគីទាំងពីរសម្រាប់កិច្ចព្រមព្រៀងសន្តិភាពដែលអាចកើតមាន។

ក្រោយមក ប្រធានាធិបតីអាមេរិក និងរុស្ស៊ី បានជួបគ្នានៅទីក្រុង Anchorage ក្នុងរដ្ឋ អាឡាស្ការបស់អាមេរិក នាំឱ្យមានផែនការសន្តិភាពចំនួន ២៨ ចំណុច ដែលក្រោយមកត្រូវបានកែសម្រួលមកត្រឹម ២០ ចំណុច វិញ។ ទោះជាយ៉ាងណាក៏ដោយ អ៊ុយក្រែនត្រូវបានគេនិយាយថាបានបដិសេធសម្បទានទឹកដីណាមួយ។

ក្រោមការសម្របសម្រួលរបស់សហរដ្ឋអាមេរិក ទីក្រុងមូស្គូ និងទីក្រុងគីវ ក៏បានធ្វើកិច្ចចរចាសន្តិភាពចំនួនបីជុំនៅដើមឆ្នាំនេះផងដែរ ពោលគឺនៅថ្ងៃទី ២៣-២៤ ខែមករា ថ្ងៃទី ៤-៥ ខែកុម្ភៈ និងថ្ងៃទី ១៧-១៨ ខែកុម្ភៈ។ ពីរជុំដំបូងគឺនៅទីក្រុងអាប៊ូដាប៊ី រីឯជុំទីបីនៅទីក្រុងហ្សឺណែវ។ ប៉ុន្តែដំណើរការនេះបានផ្អាកបន្ទាប់ពីសង្គ្រាមអាមេរិក និងអ៊ីស្រាអែល លើអ៊ីរ៉ង់។

នៅនិទាឃរដូវឆ្នាំ ២០២២ សេចក្តីព្រាងសន្ធិសញ្ញាសន្តិភាពរវាងរុស្ស៊ី និងអ៊ុយក្រែន ដែលត្រូវបានព្រមព្រៀងគ្នាក្នុងអំឡុងពេលចរចាផ្ទាល់ ត្រូវបានចុះហត្ថលេខានៅទីក្រុងអ៊ីស្តង់ប៊ុល៕