ចំណុចសំខាន់នៃជម្លោះរវាងតំណាងអ៊ីស្រាអែល និងលីបង់នៅក្នុងកិច្ចចរចានៅទីក្រុងវ៉ាស៊ីនតោន គឺយន្តការសម្រាប់ការដកកងទ័ពអ៊ីស្រាអែលចេញពីភាគខាងត្បូងលីបង់ នៅដំណាក់កាលដំបូង។ នេះបើយោងតាមការចុះផ្សាយរបស់ទូរទស្សន៍ Al Hadath។

យោងតាមប្រភពព័ត៌មានរបស់ទូរទស្សន៍ដែលស្និទ្ធនឹងកិច្ចចរចានេះ «បញ្ហាជម្លោះដ៏សំខាន់នៅក្នុងកិច្ចសន្ទនាលីបង់-អ៊ីស្រាអែល គឺការដកកងទ័ពអ៊ីស្រាអែល និងយន្តការសម្រាប់ការដកទ័ពរបស់ពួកគេ នៅដំណាក់កាលដំបូង»។ ប្រភពដដែលបាននិយាយថា ភាគីអ៊ីស្រាអែលប្រកាន់ខ្ជាប់នូវគោលការណ៍មួយជំហានម្តងៗ ខណៈពេលដែលទាមទារឲ្យកងទ័ពលីបង់ចាត់វិធានការជាក់ស្តែង និងផ្តល់ «ភស្តុតាងដែលថា ខ្លួននឹងអាចរុះរើហេដ្ឋារចនាសម្ព័ន្ធរបស់ក្រុមហេសបូឡា»។

ទន្ទឹមនឹងនេះ លីបង់ទទូចឲ្យដកកងកម្លាំងអ៊ីស្រាអែលជាដំបូង និងសំខាន់បំផុតគឺដកចេញពីភាគខាងត្បូងលីបង់»។ នេះបើយោងតាមប្រភពដដែលនោះ៕