លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិ និយាយថា ការវាយតម្លៃថ្មីមួយបានរកឃើញថា អគារលំនៅឋានជាង ១១.០០០ខ្នងត្រូវបាន «បំផ្លាញទាំងស្រុង» នៅភាគខាងត្បូងប្រទេសលីបង់ក្នុងអំឡុងពេលប្រយុទ្ធគ្នាកាលពីពេលថ្មីៗនេះ។ លោកបានប្រាប់អ្នកសារព័ត៌មាននៅទីក្រុងញូវយ៉កថា អគារលំនៅឋានចំនួន ២.២០០ ខ្នងទៀតបានខូចខាតដោយផ្នែក។

លោកបាននិយាយថា «សម្រាប់គ្រួសារជាច្រើន គ្មានលំនៅឋានដើម្បីវិលត្រឡប់ទៅវិញទេ។ ភាពមិនប្រាកដប្រជាជាបន្តបន្ទាប់ ការបំផ្លិចបំផ្លាញយ៉ាងរាលដាល និងការគំរាមកំហែងដែលបង្កឡើងដោយគ្រាប់រំសេវមិនទាន់ផ្ទុះ នៅតែបន្តរារាំងការវិលត្រឡប់ដោយសុវត្ថិភាព និងដោយចីរភាព។

ទោះជាយ៉ាងណា មនុស្សជាច្រើននៅតែបន្តវិលត្រឡប់ទៅភាគខាងត្បូងប្រទេសលីបង់វិញ ដោយមានមនុស្ស ១៩.០០០ នាក់ ចាកចេញពីទីជម្រកស្នាក់នៅកាលពីពេលយប់ ដែលបានកាត់បន្ថយចំនួនអ្នកដែលនៅសល់ក្នុងទីជម្រកស្នាក់នៅ មកនៅត្រឹមតែប្រហែល ៩០.០០០ នាក់។