នៅ​ថ្ងៃពុធ (ទី២៤ ខែមិថុនា ឆ្នាំ២០២៦) នេះ ប្រធានាធិបតីអាមេរិកលោក Donald Trump បាន​បញ្ជាក់​ថា ការចរចាការទូតជាមួយអ៊ីរ៉ង់ នឹងបញ្ចប់ភ្លាមៗ ប្រសិនបើទីក្រុងតេអេរ៉ង់ ព្យាយាមប្រមូលថ្លៃសេវាឆ្លងកាត់​ពីការ​ធ្វើ​ចរាចរណ៍តាម​ផ្លូវសមុទ្រ នៅច្រកសមុទ្រ Hormuz។

លោក Trump បានអះអាងថា មន្ត្រីអ៊ីរ៉ង់បានធានាដល់ទីក្រុងវ៉ាស៊ីនតោនថា មិនមាន «ការយក​ថ្លៃ​ឆ្លង​កាត់​ គ្មានការចំណាយធានារ៉ាប់រង និងគ្មានការគិតថ្លៃផ្សេងទៀតឡើយ» ដែលត្រូវបានស្វែងរក ឬទទួលបានពីនាវាឆ្លងកាត់ផ្លូវទឹកយុទ្ធសាស្ត្រនេះ​។

លោកបានសរសេរនៅលើវេទិកាបណ្ដាញ​សង្គមរបស់លោកថា «ប្រសិនបើនេះជាព័ត៌មានមិនពិត ការចរចា នឹងបញ្ចប់ភ្លាមមួយ​រំពេច»​។ ជាមួយ​គ្នានេះ លោក​ប្រធានាធិបតីអាមេរិករូប​នេះ​ ក៏បានបញ្ជាក់ម្តងទៀតថា គ្មានសាច់ប្រាក់ណាមួយ នឹងត្រូវបានផ្តល់ដោយផ្ទាល់ទៅឲ្យ​ទីក្រុងតេអេរ៉ង់នោះ​ទេ។

លោកបានបញ្ជាក់​ថា ផ្ទុយទៅវិញ ទីក្រុងវ៉ាស៊ីនតោនមានបំណងប្រើប្រាស់មូលនិធិអ៊ីរ៉ង់ដែលត្រូវបាន​គ្រប់គ្រង ដើម្បីចំណាយ​ទៅឲ្យ​កសិករអាមេរិក សម្រាប់ការនាំចេញ ដូចជាពោត និងស្រូវសាលីជាដើម​។ លោក​ Trump បាន​បន្ថែមថា «ប្រទេសអ៊ីរ៉ង់កំពុង​ត្រូវការអាហារយ៉ាងខ្លាំង ហើយយើងនឹងទិញវាទាំងស្រុង សម្រាប់ពួកគេ ពីសហរដ្ឋអាមេរិក»៕