យានយន្តរាប់រយគ្រឿង បានបង្កើតជាក្បួនរថយន្តឆ្លងកាត់ផ្លូវហាយវ៉េនៅទីក្រុងយេរូសាឡឹមកាលពីថ្ងៃពុធ ទី២៤ ខែមិថុនា ដោយចេតនាបង្អាក់ការធ្វើចរាចរណ៍ក្នុងបាតុកម្មមួយដើម្បីគាំទ្រយុវជនសាសនាដែលជាប់ពន្ធនាគារ ជាអ្នកដែលបានបដិសេធការកែណ្ឌកងទ័ព។

ក្រុមអ្នកតវ៉ា បានបិទស្លាកលើរថយន្តរបស់ពួកគេដែលសរសេរថា «ល្មមគ្រប់គ្រាន់ហើយ ប្រទេសរបស់យើងពុំមែនជារដ្ឋដែលគ្មានច្បាប់ទម្លាប់នោះទេ»។

និពន្ធនាយកកាសែតក្នុងស្រុកម្នាក់បាននិយាយថា អ្នករៀបចំ បានរៀបចំក្បួនរថយន្តដ៏ធំនេះ ពុំមែនជាការត្អូញត្អែរទេ ប៉ុន្តែជាការបង្ហាញពីសាមគ្គីភាព។ «នេះពុំមែនជាបាតុកម្មប្រឆាំងទេ វាជាការតវ៉ាគាំទ្រ» ។ «យើងគាំទ្រគោលការណ៍សម្រាប់សហគមន៍របស់យើង សម្រាប់ការបន្តសហគមន៍យើង»។

វីដេអូដោយយានដ្រូន បានថតជួររថយន្តជាច្រើនគ្រឿងដែលកកស្ទះចរាចរណ៍យ៉ាងខ្លាំងខណៈក្បួនរថយន្តធ្វើដំណើរឆ្ពោះទៅកាន់ក្រុងយេរូសាឡឹម។

ការកែណ្ឌយោធាគឺជាកាតព្វកិច្ចដោយច្បាប់របស់អ៊ីស្រាអែល ប៉ុន្តែប្រជាជនជ្វីហ្វនិយមជ្រុលភាគច្រើនត្រូវបានលើកលែងពីការតព្វកិច្ចនេះ ខណៈសភាជ្រុលនិយមសាសនានៅក្នុងក្រុមចម្រុះរបស់នាយករដ្ឋមន្ត្រី លោក Benjamin Netanyahu ទាមទារច្បាប់ដែលនឹងធ្វើឱ្យការលើកលែងនេះ ក្លាយជាស្របច្បាប់។