ប្រធានាធិបតីអាមេរិក លោក ដូណាល់ ត្រាំ បាននិយាយថា លោកឲ្យតម្លៃចំពោះការសម្រេចចិត្តរបស់រុស្ស៊ី ចិន និងទួរគី ដែលមិនជ្រៀតជ្រែកក្នុងសង្គ្រាមរបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់។

«អ្នកដឹងហើយថា លោកប្រធានាធិបតីទួរគី រ៉េសិប តាយីប អឺដូហ្កាន់ បាននៅក្រៅសង្គ្រាម។ លោកគឺជាបេក្ខជនដ៏សំខាន់ម្នាក់ដែលគួរតែចូលទៅក្នុងសង្គ្រាមជាមួយអ៊ីរ៉ង់ ប្រហែលជានៅខាងអ៊ីរ៉ង់ ពីព្រោះលោកមិនមែនជាអ្នកគាំទ្រសំខាន់របស់អ៊ីស្រាអែល ដូចដែលអ្នកដឹងហើយ ហើយខ្ញុំបានសុំឲ្យលោកនៅក្រៅជម្លោះនេះ។ លោកក៏បាននៅក្រៅសង្គ្រាមនេះមែន»។

លោកបានបន្ថែមថា៖«ហើយអ្នកដឹងហើយថា អ្នកណាផ្សេងទៀតដែលអស្ចារ្យ គឺលោកប្រធានាធិបតី ស៊ី ជីនពីង (Xi [Jinping) នៃប្រទេសចិន។ លោកអាចចូលមកបាន ហើយលោកទទួលបានប្រេងពាក់កណ្តាលរបស់លោកពីតំបន់នោះ ហើយខ្ញុំអាចមើលឃើញថា លោកចង់ចូល ហើយខ្ញុំបានសុំឲ្យលោកនៅក្រៅ សង្គ្រាមនេះ ហើយលោកបានធ្វើតាមដែរ»។

លោក ត្រាំ បានសង្កត់ធ្ងន់ថា៖«លោក អឺដូហ្កាន់ គឺជាមេដឹកនាំដ៏អស្ចារ្យ ជាមនុស្សរឹងមាំ មានយោធាដ៏ អស្ចារ្យ ហើយខ្ញុំបានសុំឲ្យលោកនៅក្រៅសង្គ្រាម ហើយលោកក៏បានធ្វើដូច្នោះមែន ហើយលោកប្រធានាធិបតី ស៊ី ក៏ដូច្នោះដែរ ហើយនិយាយតាមត្រង់ទៅ លោកប្រធានាធិបតីរុស្ស៊ី វ្ល៉ាឌីមៀ ពូទីន ក៏ដូច្នោះដែរ។ ប្រសិនបើអ្នកពិតជាមើល អ្នកអាចនិយាយបានថា លោក ពូទីន មានរឿងផ្សេងទៀត ដែល ត្រូវផ្តោតលើ ប៉ុន្តែរឿងទាំងអស់នោះ គឺនៅក្រៅពីជម្លោះនេះ។ ខ្ញុំចង់មានន័យថា នេះគឺពិតជា អស្ចារ្យណាស់»៕