នគរបាលនៃប្រទេសកេនយ៉ានៅថ្ងៃព្រហស្បតិ៍នេះ បានបទផ្លូវដើម្បីទប់ស្កាត់មិនឲ្យចូលទៅកាន់រដ្ឋធានីណៃរ៉ូប៊ី មុនពេលមានការតវ៉ាដែលបានគ្រោងទុករយៈពេលពីរឆ្នាំ ចាប់តាំងពីមនុស្សយ៉ាងហោចណាស់ ៦០នាក់ បានស្លាប់នៅក្នុងការតវ៉ាប្រឆាំងរដ្ឋាភិបាលដែលក៏បានឃើញក្រុមបាតុករសម្រុកចូលសភា ផង ដែរ។

ក្រុមគ្រួសារដែលមនុស្សជាទីស្រឡាញ់របស់ពួកគេ បានស្លាប់ នៅក្នុងការតវ៉ាឆ្នាំ ២០២៤ បាននិយាយថាពួកគេនឹងតវ៉ាប្រឆាំងនឹងការពន្យារពេលក្នុងការផ្តល់យុត្តិធម៌ដល់ជនរងគ្រោះ។ រដ្ឋាភិបាលត្រូវបានចោទប្រកាន់ពីបទខ្វះតម្លាភាពក្នុងដំណើរការដែលកំពុងដំណើរការ ដើម្បីផ្តល់សំណងដល់អ្នកដែលរងការរំលោភសិទ្ធិមនុស្ស ក្នុងអំឡុងពេលតវ៉ា។

កាលពីសប្តាហ៍មុន លោកប្រធានាធិបតី William Ruto បាននិយាយថា ប្រជាជននឹងត្រូវបានអនុញ្ញាតឲ្យ តវ៉ា ប៉ុន្តែរដ្ឋាភិបាលក៏នឹងការពារសិទ្ធិរបស់កុមារក្នុងការទៅសាលារៀន និងសិទ្ធិកម្មករទៅធ្វើការផងដែរ ដោយព្រមានប្រឆាំងនឹងការប៉ុនប៉ងណាមួយរបស់ក្រុមបាតុករ ដើម្បី«បិទប្រទេសនេះ»។

រដ្ឋមន្ត្រីក្រសួងមហាផ្ទៃ លោក Kipchumba Murkomen បាននិយាយកាលពីថ្ងៃពុធថា នគរបាលនឹងអមការពារក្រុមបាតុករ ប៉ុន្តែបានព្រមានថា ឧក្រិដ្ឋជនដែលក្លែងខ្លួនជាអ្នកតវ៉ា នឹងមិនត្រូវបានអនុញ្ញាតឲ្យ ជ្រៀតចូល និងវាយឆ្មក់លើអាជីវកម្មឡើយ៕