រដ្ឋជាសមាជិកសហភាពអឺរ៉ុប (EU) បានផ្តល់ការយល់ព្រមចុងក្រោយរបស់ពួកគេ នៅថ្ងៃព្រហស្បតិ៍ (ទី២៥ ខែមិថុនា ឆ្នាំ២០២៦) នេះ ចំពោះកិច្ចព្រមព្រៀងពន្ធដែលមានអាយុកាល ១ឆ្នាំ ជាមួយសហរដ្ឋអាមេរិក ដែលអាច​ឲ្យ​វាចូលជាធរមានមុនកាល​កំណត់ថ្ងៃទី៤ ខែកក្កដា ដែលដាក់​ដោយប្រធានាធិបតីអាមេរិក លោក Donald Trump។

កិច្ច​ព្រម​ព្រៀង​នេះ ដែល​ត្រូវបាន​យល់ស្រប​​ដោយ​លោក Trump និងប្រធាន EU លោកស្រី Ursula von der Leyen ក្នុងខែកក្កដា ឆ្នាំ២០៥ ​បានកំណត់អត្រា​ពន្ធ ១៥ភាគរយលើការនាំចេញភាគច្រើនរបស់ EU ទៅកាន់សហរដ្ឋអាមេរិក និងការលើក​លេងពន្ធ សម្រាប់ទំនិញឧស្សាហកម្មរបស់សហរដ្ឋអាមេរិកដែលនាំ​ចូលទៅកាន់​ប្លុកដែល​មាន​សមាជិក​ ២៧ប្រទេស​។

ប៉ុន្តែ EU មិនទាន់បានបំពេញផ្នែករបស់ខ្លួននៅឡើយទេ សម្រាប់​កិច្ចព្រមព្រៀងនេះ បន្ទាប់ពីមាន​ការគំរាមកំហែងរបស់លោក Trump លើ​កោះ​ Greenland និងការសម្រេចរបស់តុលាការកំពូលសហរដ្ឋអាមេរិកដែលលុបចោលវិធានការ​ពន្ធគយជាច្រើន ដោយ​បានជំរុញឲ្យ​មានការពន្យារពេលជាច្រើនខែ។

ការចុះហត្ថលេខាដោយរដ្ឋជាសមាជិក ដែលបានយល់ព្រមលើខ្លឹមសារនៃកិច្ចព្រមព្រៀងរួចហើយ បានលុបបំបាត់ឧបសគ្គនីតិបញ្ញត្តិចុងក្រោយនៅខាង EU បន្ទាប់ពីមាន​ការអនុម័តរបស់សភា កាលពីដើមខែមិថុនានេះ​៕