យោងតាមសេចក្តីថ្លែងការណ៍មួយដែលបានចេញផ្សាយ នៅ​ថ្ងៃព្រហស្បតិ៍ (ទី២៥ ខែមិថុនា ឆ្នាំ២០២៦)​ នេះ បាន​ឲ្យ​ដឹង​ថា សាធារណរដ្ឋប្រជាធិបតេយ្យកុងហ្គោ បានចេញ​នីតិ​វិធី​ធ្វើចត្តឡីស័ក ឬ​ការ​ដាក់​ឲ្យ​​នៅដាច់ដោយឡែកពីគេរយៈពេល ២១ថ្ងៃ ចំពោះ​អ្នកធ្វើដំណើរមកពីតំបន់ដែលរប៉ះពាល់ដោយជំងឺ Ebola ជា​កិច្ចប្រឹងប្រែង ដើម្បីទប់ស្កាត់ការរីករាលដាលនៃជំងឺនេះ។

វិធានការនេះកើតឡើងក្នុង​ពេលមានការកើនឡើងនូវ​ករណីជំងឺ Ebola ដែលត្រូវបានបញ្ជាក់។ យោងតាមការធ្វើ​បច្ចុប្បន្ន​ភាពដែលចេញផ្សាយកាលពីថ្ងៃពុធដោយក្រសួងសុខាភិបាល បាន​ឲ្យដឹង​ថា ករណីដែលត្រូវ​បានបញ្ជាក់ បានកើនឡើងដល់ ១.១១៨ករណី ក្នុង​នោះ​ការស្លាប់ចំនួន ២៩១ករនី ចាប់តាំងពីការផ្ទុះឡើងត្រូវបានប្រកាសកាលពី​ថ្ងៃទី១៥ ខែឧសភា ដែលបណ្តាលឲ្យ​អត្រាមរណភាព គឺ​ ២៦ភាគរយ​។

ការផ្ទុះឡើងដែលបង្កឡើងដោយវីរុសប្រភេទ​ Bundibugyo បានប៉ះពាល់ដល់តំបន់សុខភាពចំនួន ៣៤ នៅទូទាំងខេត្ត ៣ គឺ Ituri, North Kivu និង South Kivu។ ការសម្រេចនេះដែលធ្វើឡើងបន្ទាប់ពីមាន​ការរកឃើញករណី Ebola នៅបារាំង ប៉ះពាល់ដល់អ្នកដំណើរក្នុងប្រទេស និងអ្នកដែលមានបំណងធ្វើដំណើរអន្តរជាតិ។

ក្រសួងទំនាក់ទំនង បានឲ្យ​ដឹង​ថា៖ «នីតិវិធី​នេះមានគោលបំណងពង្រឹងវិធានការសុខភាពសាធារណៈដែលមាន​ស្រាប់​ កាត់បន្ថយហានិភ័យនៃការរីករាលដាល និងធានាការគ្រប់គ្រងយ៉ាងម៉ត់ចត់ ចំពោះអ្នកដែលអាចមាន​ការ​ប៉ះពាល់ដោយផ្ទាល់​​»៕