អ៊ុយក្រែន​​​៖ អគ្គលេខាធិការអង្គការសហប្រជាជាតិ​ លោក Antonio Guterres ​បានប្រកាស​​ពី​ដំណើរទៅដល់​របស់លោក​នៅក្នុង​ទីក្រុង Kyiv កាលពីថ្ងៃពុធ​ ​ក្រោយជំនួប​ក្នុង​ទីក្រុង Moscow ជាមួយ​ប្រធានាធិបតី​រុស្ស៊ី លោក Vladimir Putin។

លោក​ បាន​សរសេរ​​​លើ​គណនី​បណ្ដាញ​សង្គម Twitter ផ្លូវការ​របស់​លោក​​ ខណៈ​លោកបានទៅដល់ ​​មុនជំនួបពិភាក្សា​​​ជាមួយ​ប្រធានាធិបតីអ៊ុយក្រែន លោក Volodymyr Zelensky ថា​​​លោក​បាន​មកដល់​ក្នុង​ប្រទេសអ៊ុយក្រែន​ហើយ​ បន្ទាប់ពី​​​បំពេញទស្សនកិច្ច​​ទៅកាន់​ទីក្រុង​ Moscow។

លោក​ Guterres បានសរសេរ​ថា យើង​នឹងបន្ត​ការងាររបស់​យើង​ដើម្បី​​​ពង្រីក​ការ​គាំទ្រ​​​ផ្នែក​មនុស្សធម៌​ ​និង​ធានា​បាន​នូវ​​​​ការ​ជម្លៀស​ជនស៊ីវិលចេញពី​​តំបន់​ជម្លោះ​នានា ​ប្រកបដោយសុវត្ថិភាព ​ ។ មិនយូរទៀតទេ ​សង្គ្រាម​នឹង​បញ្ចប់ ​ វា​ល្អ​សម្រាប់​​​អនាគត​អ៊ុយក្រែន​ រុស្ស៊ី និងពិភពលោក​ទាំងមូល​។

ក្នុងជំនួប​​​នៅទីក្រុង Moscow កាលពីថ្ងៃអង្គារ​----​​លោក Guterres បាន​​អំពាវនាវ​ជាថ្មី​ម្ដងទៀត​​​ដល់​ទាំងភាគី ​រុស្ស៊ី ទាំងអ៊ុយក្រែន ​​​​ឲ្យ​ធ្វើការរួមគ្នា​​ដើម្បី​​បង្កើត​ច្រក​របៀង​​​​មនុស្សធម៌​ប្រកបដោយ​​សុវត្ថិភាព ​និង​ប្រសិទ្ធភាព​​​ ក្នុង​ប្រទេស​អ៊ុយក្រែន ហែកហួរ​ដោយ​សង្គ្រាម ។

ជាការឆ្លើយតប ​ លោក​​ Putin បានប្រាប់លោកថា ​លោក​​ Putin ផ្ទាល់​​​​​​​សង្ឃឹម​ថា ​ការចរចា​អាច​​បញ្ចប់​ជម្លោះ ដែល​​​​​បាន​មើលឃើញ​ទាហាន​​រុស្ស៊ី​ វាយ​លុកចូល​​​ប្រទេស​អ៊ុយក្រែន​ កាលពីថ្ងៃទី២៤​ខែកុម្ភៈ កន្លងទៅនេះ៕ ​