លោក Faouzi Abdulbagi Mahammat Anour បានដឹងខ្លួននៅក្នុងទីក្រុង Tine របស់ប្រទេសឆាដ ដោយមានមុខរលាក និងភ្នែកស្តាំរបស់លោកបានបាត់ បន្ទាប់ពីត្រូវបានវាយប្រហារដោយយានដ្រូន នៅព្រំដែនស៊ូដង់។

ការវាយប្រហារនេះ បានកើតឡើង នៅព្រឹកថ្ងៃទី ១០ ខែមិថុនា នៅពេលដែលយុវជនអាយុ ១៨ឆ្នាំ រូបនេះកំពុងឃ្វាលបសុសត្វរបស់គ្រួសារខ្លួន នៅភាគឦសាននៃទីក្រុងភ្លោះ Tina ក្នុងប្រទេសស៊ូដង់ ក្នុងតំបន់មួយដែលនៅតែនៅខាងក្រៅការគ្រប់គ្រងរបស់កងកម្លាំងគាំទ្ររហ័ស (RSF)។

រយៈពេល ៨ម៉ោង ក្រោយមក លោកបានរកឃើញខ្លួនឯង នៅក្នុងមន្ទីរពេទ្យមួយ ក្នុងទីក្រុង Tine ដោយមានដៃទាំងសង់ខាងរលាក និងរុំបង់។

បងប្អូនជីដូនមួយអាយុ ១៥ឆ្នាំរបស់លោក គឺ Tadjerdin Mahammat Anour កំពុងនៅក្បែរគ្រែរបស់ លោក។

យោងតាមអង្គការសហប្រជាជាតិ ជម្លោះនៅស៊ូដង់បានធ្វើឲ្យកងទ័ពរបស់ប្រទេសនេះប្រឆាំងនឹងអតីត សម្ព័ន្ធមិត្តរបស់ខ្លួនគឺ RSF ចាប់តាំងពីខែមេសា ឆ្នាំ ២០២៣ ដោយបានសម្លាប់ជនស៊ីវិលជាង ១១.000 នាក់ និងបង្ខំឲ្យមនុស្សជាង ១៥ លាននាក់ ភៀសខ្លួនចេញពីផ្ទះសម្បែងរបស់ពួកគេ៕