ប្រធានាធិបតីលីបង់ លោក Joseph Aoun បានស្វាគមន៍នៅថ្ងៃសុក្រនេះចំពោះកិច្ចខិតខំប្រឹងប្រែងរបស់បារាំង និងអ៊ីតាលីក្នុងការបង្កើតសម្ព័ន្ធភាពពហុជាតិ ដើម្បីបន្តវេនពីកងកម្លាំងរក្សាសន្តិភាពរបស់អង្គការសហប្រជាជាតិនៅក្នុងប្រទេសរបស់លោក ដែលអាណត្តិរបស់ពួកគេនឹងផុតកំណត់នៅចុងឆ្នាំនេះ។

កងកម្លាំងរក្សាសន្តិភាពនៅភាគខាងត្បូងប្រទេសលីបង់គឺ UNIFIL មានបុគ្គលិកប្រហែល ៧.៥០០នាក់មកពីជិត ៥០ ប្រទេស ហើយបានមានវត្តមានតាំងពីឆ្នាំ ១៩៧៨ ទោះបីជាវត្តមានរបស់ខ្លួនមិនបានរារាំងការផ្ទុះឡើងនៃជម្លោះម្តងហើយម្តងទៀតក៏ដោយ។

កាលពីខែសីហា ឆ្នាំមុន ក្រោមសម្ពាធរបស់សហរដ្ឋអាមេរិក ក្រុមប្រឹក្សាសន្តិសុខអង្គការសហប្រជាជាតិ បានសម្រេចចិត្តបញ្ចប់អាណត្តិរបស់ UNIFIL នៅថ្ងៃទី ៣១ ខែធ្នូ ឆ្នាំ ២០២៦។

នៅក្នុងសេចក្តីថ្លែងការណ៍មួយ លោក Aoun បានហៅគំនិតផ្តួចផ្តើមនេះថា «ជាការបង្ហាញពីភាពស្មោះត្រង់នៃការប្តេជ្ញាចិត្តអន្តរជាតិ ក្នុងការគាំទ្រអធិបតេយ្យភាព និងស្ថិរភាពរបស់ប្រទេសលីបង់»៕