សីតណ្ហភាពបានកើនឡើងដល់ដល់ ៣០អង្សាសេ នៅទីក្រុង Prague សាធារណរដ្ឋឆេក ពេលដែលរលកកម្តៅបានទៅដល់តំបន់ភាគកណ្តាលអឺរ៉ុប។កាលពីថ្ងៃសៅរ៍ម្សិលមិញ វិទ្យាស្ថានឧតុនិយមឆែក បានចេញការព្រមានកម្តៅសម្រាប់ប្រទេសទាំងមូលហើយការព្រមានកម្រិតពណ៌ក្រហម ដែលជាកម្រិតខ្ពស់បំផុត បានដាក់ចេញនៅទីក្រុង Prague និងតំបន់ជាច្រើនទៀតរបស់ឆេក ។គួរឲ្យដឹងថា អាជ្ញាធរសុខាភិបាលនៅទូទាំងទ្វីបអឺរ៉ុបស្ថិតក្នុងការព្រមានខ្ពស់ ខណៈរលកកម្ដៅខ្លាំង បានរាលដាលពាសពេញទ្វីបអឺរ៉ុបដែលជំរុញឲ្យមានបម្រាមលើការទទួលទានគ្រឿងស្រវឹង ក៏ដូចជាការលុបចោលការជួបជុំទ្រង់ទ្រាយធំនៅក្នុងប្រទេសបារាំង។ ក្រុមអ្នកវិទ្យាសាស្ត្របាននិយាយថារលកកម្ដៅដែលបានចាប់ផ្តើមនៅថ្ងៃទី២០ ខែមិថុនាកន្លងទៅ គឺជារលកកម្ដៅដ៏អាក្រក់បំផុតមិនធ្លាប់កើតឡើងនៅអឺរ៉ុបដែលជាអាកាសធាតុកំពុងប្រែប្រួលលឿនជាងកម្រិតមធ្យមសកល ។ សីតុណ្ហភាព កំពុងឡើងដល់កម្រិតខ្ពស់នៅក្នុងប្រទេសបារាំងនិងអង់គ្លេស ប៉ុន្តែនៅប្រទេសអ៊ីតាលី កម្ដៅត្រូវបានគេរំពឹងថានឹងកើនឡើងនៅចុងសប្ដាហ៍នេះ ដោយនាំមកនូវអំណានលើកដំបូងនៃរដូវក្តៅ ៤០អង្សាសេ។ ទីក្រុងប៉ារីសបានឡើងដល់កំណត់ត្រាខែមិថុនា៤០,៩អង្សាសេ កាលពីថ្ងៃពុធ ហើយទោះបីជាសីតុណ្ហភាពត្រូវបានគេរំពឹងថានឹងថយចុះក៏ដោយអាជ្ញាធរបានត្រៀមទប់ទល់សម្រាប់ការស្លាប់និងរងរបួសបន្ថែមទៀត។រដ្ឋមន្ត្រីសុខាភិបាលបារាំង បានប្រាប់អ្នកសារព័ត៌មានថា នឹងមានផលវិបាកទាក់ទងនឹងចំនួនអ្នកស្លាប់កើនឡើង៕