ការជួយសង្គ្រោះយឺតយ៉ាវមួយចំនួនត្រូវបានរាយការណ៍នៅទូទាំងប្រទេសវ៉េណេស៊ុយអេឡា ខណៈ ក្តីសង្ឃឹមក្នុងការស្វែងរកអ្នករស់រានមានជីវិតបន្ថែមទៀតបួនថ្ងៃបន្ទាប់ពីការរញ្ជួយដីពីរលើកដ៏សាហាវបានចាប់ផ្តើមរសាត់បាត់ទៅ។

មិនមានចំនួនអ្នកស្លាប់ថ្មីត្រូវបានចេញផ្សាយកាលពីថ្ងៃអាទិត្យទេ ដោយមន្ត្រីបាននិយាយកាលពីថ្ងៃសៅរ៍ថា មនុស្ស១.៤៣០នាក់ត្រូវបានបញ្ជាក់ថាបានស្លាប់ បន្ទាប់ពីគ្រោះរញ្ជួយដីកម្រិត ៧,២ និង ៧,៥ រ៉ិចទ័រជាប់ៗគ្នាដែលបានវាយប្រហារនៅជិតតំបន់ឆ្នេរសមុទ្រ La Guiara កាលពីថ្ងៃពុធ ២៤មិថុនាសប្ដាហ៍នេះ ។

ថ្ងៃសៅរ៍ចុងសប្ដាហ៍ មានរយៈពេល៧២ម៉ោងចាប់តាំងពីការរញ្ជួយដីដ៏សាហាវ ជារយៈពេលដែលក្រុមអាជ្ញាធរបាននិយាយថា មនុស្សដែលជាប់ខ្លួនត្រូវបានគេរំពឹងថានឹងនៅរស់រានមានជីវិត។ មនុស្សជាង ៥០.០០០ នាក់ត្រូវបានរាយការណ៍ថាបាត់ខ្លួន។

ប្រធានាធិបតីបណ្ដោះអាសន្នលោកស្រី Delcy Rodríguez បាននិយាយថា មនុស្ស៣៣ នាក់ត្រូវបានទាញចេញពីគំនរបាក់បែកទាំងរស់រានមានជីវិតកាលពីចុងសប្តាហ៍នេះ។ ក្នុងចំណោមពួកគេមានក្មេងប្រុសអាយុ ១១ ឆ្នាំពីរនាក់ ដែលត្រូវបានជួយសង្គ្រោះដាច់ដោយឡែកពីគ្នាពីអគារដួលរលំក្នុងរយៈពេលប៉ុន្មានម៉ោងពីគ្នា កាលពីថ្ងៃអាទិត្យ។

គិតត្រឹមថ្ងៃអាទិត្យ មនុស្សយ៉ាងហោចណាស់ ១.៤៥០នាក់ត្រូវបានស្លាប់ ក្នុងអ្វីដែលលោក ស្រី Rodríguez បាននិយាយថាជា គ្រោះមហន្តរាយធម្មជាតិដ៏ឃោរឃៅបំផុត នៅក្នុងប្រវត្តិសាស្ត្ររបស់ប្រទេសវ៉េណេស៊ុយអេឡា។អគាររាប់សិបខ្នងបានដួលរលំក្លាយជាគំនរបាក់បែកនៅក្នុងរដ្ឋឆ្នេរសមុទ្រ ចម្ងាយប្រហែល ៤០ គីឡូម៉ែត្រ ភាគខាងជើងនៃ រដ្ឋធានី ការ៉ាកាស (Caracas)។ ក្រុមអាជ្ញាធរបាននិយាយថា មនុស្សប្រហែល ៣.១៥០ នាក់រងរបួស មនុស្ស ១២. ៧២១ នាក់ត្រូវបានផ្លាស់ទីលំនៅ និងអគារចំនួន ៧៧៤ បានដួលរលំ៕