មជ្ឈមណ្ឌលគ្រប់គ្រង និងបង្ការជំងឺអាហ្វ្រិក(CDC) អង្គការសុខភាពពិភពលោក(WHO) និងរដ្ឋាភិបាលប្រទេសអ៊ូហ្គង់ដា បានដាក់ឱ្យដំណើរការជាផ្លូវការក្រុមគាំទ្រការគ្រប់គ្រងឧបទ្ទវហេតុនៅទ្វីបរួម (IMST) ដើម្បីគាំទ្រដល់សមត្ថភាពសង្គ្រោះបន្ទាន់សុខភាពនៃទ្វីប ក្នុងអំឡុងការផ្ទុះឡើងជំងឺអេបូឡាដែលកំពុងបន្ត។

មជ្ឈមណ្ឌលគ្រប់គ្រង និងបង្ការជំងឺអាហ្វ្រិក (CDC) នៅក្នុងសេចក្តីថ្លែងការណ៍មួយបាននិយាយថា ក្រុមគាំទ្រការគ្រប់គ្រងឧបទ្ទវហេតុនៅទ្វីបរួម (IMST) ដែលទើបនឹងដាក់ឱ្យដំណើរការថ្មី បង្កើតវេទិការប្រតិបត្តិការរួមមួយដើម្បីពង្រឹងសមត្ថភាពរបស់ទ្វីបអាហ្វ្រិកក្នុងការរៀបចំ សម្របសម្រួល និងឆ្លើយតបទៅនឹងគ្រាអាសន្នសុខភាពសាធារណៈ ខណៈគាំទ្រដល់ការឆ្លើយតបជំងឺអេបូឡា ដែលកំពុងបន្ត។

មជ្ឈមណ្ឌលគ្រប់គ្រង និងបង្ការជំងឺអាហ្វ្រិក (IMST) ដែលបានដាក់ឱ្យដំណើរការនៅសាកលវិទ្យាល័យ Makerere ក្នុងរដ្ឋធានី Kampala ប្រទេសអ៊ូហ្គង់ដា នឹងគាំទ្រដល់ប្រទេសអ៊ូហ្គង់ដា សាធារណរដ្ឋប្រជាធិបតេយ្យកុងហ្គោ និងប្រទេសនៅជិតខាងដែលមានហានិភ័យខ្ពស់ តាមរយៈជំនួយបច្ចេកទេសរួមបញ្ចូលគ្នា ការសម្របសម្រួលប្រតិបត្តិការ និងពហុជំនាញ។

មជ្ឈមណ្ឌលគ្រប់គ្រង និងបង្ការជំងឺអាហ្វ្រិក (CDC) បាននិយាយថា ការដាក់ឱ្យដំណើរការនេះគឺជាព្រឹត្តិការណ៍ដ៏សំខាន់មួយក្នុងការពង្រឹងស្ថាបត្យកម្មគ្រាអាសន្នសុខភាពសាធារណៈរបស់ទ្វីបអាហ្វ្រិក និងបង្ហាញពីការប្តេជ្ញាចិត្តរួមគ្នារបស់មជ្ឈមណ្ឌលគ្រប់គ្រងនិងបង្ការជំងឺអាហ្វ្រិក(CDC) អង្គការសុខភាពពិភពលោក និងរដ្ឋជាសមាជិកសហភាពអាហ្វ្រិក(AU) ដើម្បីបង្កើតការឆ្លើយតបកាន់តែលឿន សម្របសម្រួល និងដឹកនាំដោយប្រទេសចំពោះការគំរាមកំហែងសុខភាពសាធារណៈ។