ក្រសួងការបរទេសអ៊ីរ៉ង់ បាននិយាយនៅថ្ងៃចន្ទនេះថា ខ្លួនបានរៀបចំកិច្ចប្រជុំលើកដំបូងជាមួយអូម៉ង់ ស្តីពីការគ្រប់គ្រងច្រកសមុទ្រហ័រមូស ចាប់តាំងពីទីក្រុងតេអេរ៉ង់ និងទីក្រុងវ៉ាស៊ីនតោន បានចុះហត្ថលេខាលើកិច្ចព្រមព្រៀងបឋមរបស់ពួកគេ ដើម្បីបញ្ចប់សង្គ្រាមមជ្ឈិមបូព៌ា។

ទាំងអ៊ីរ៉ង់ និងអូម៉ង់ និយាយថា ពួកគេកាន់កាប់អធិបតេយ្យភាពលើផ្លូវទឹក ដែលជាផ្លូវសំខាន់មួយសម្រាប់ការនាំចេញថាមពលនៅឈូងសមុទ្រ ដែលទីក្រុងតេអេរ៉ង់បានបិទក្នុងអំឡុងពេលសង្គ្រាម។

លោក Kazem Gharibabadi អនុរដ្ឋមន្ត្រីការបរទេសអ៊ីរ៉ង់ បាននិយាយនៅលើប្រព័ន្ធផ្សព្វផ្សាយ X ដោយមិនបានបញ្ជាក់កាលបរិច្ឆេទថា៖«ក្នុងអំឡុងពេលធ្វើដំណើរទៅកាន់ទីក្រុង Muscat កិច្ចប្រជុំលើកដំបូងនៃគណៈកម្មាធិការចម្រុះហ័រមូស ត្រូវបានធ្វើឡើង»។

លោកបានបន្ថែមថា៖«ខណៈពេលដែលកំពុងពិនិត្យមើលបញ្ហាបច្ចុប្បន្នទាក់ទងនឹងច្រកសមុទ្រនេះ យើងបានផ្លាស់ប្តូរទស្សនៈអំពីការគ្រប់គ្រងនាពេលអនាគត»។

ច្រកសមុទ្រហ័រមូស គឺជាផ្លូវទឹកតូចចង្អៀតមួយដែលខណ្ឌចែកអ៊ីរ៉ង់ និងអូម៉ង់ ដែលមានទទឹងត្រឹមតែប្រហែល ៣០គីឡូម៉ែត្រ (១៨ ម៉ាយ) ប៉ុណ្ណោះ៕