បណ្ដាញ Telegram ប្រធានាធិបតីបេឡារុសឈ្មោះ​ Pul Pervogo បានឱ្យ​ដឹង​នៅ​ថ្ងៃចន្ទ (ទី២៩ ខែមិថុនា ឆ្នាំ០២៦) នេះ​ថា ប្រធានាធិបតីបេឡារុស លោក Alexander Lukashenko បានជួបជាមួយមេដឹកនាំចិន លោក Xi Jinping នៅទីក្រុងប៉េកាំង ដើម្បី​ធ្វើការ​ពិភាក្សា អំពី​បញ្ហានានា​។

បណ្ដាញ Pul Pervogo បានដកស្រង់សម្តីរបស់​លោក Xi ដែលបានប្រាប់ទៅ​លោក Lukashenko ថា ទំនាក់ទំនង រវាងប្រទេស​ចិន និងបេឡារុស គឺស្ថិតនៅ «កម្រិតកំពូលជាប្រវត្តិសាស្ត្រ»។

បើយោងតាមការបង្ហោះរបស់បណ្ដាញ​ Telegram នោះ លោក Lukashenko បានឆ្លើយតបថា៖ «នេះជាអ្វីដែលយើងបាននិយាយជាមួយអ្នកពីមុន។ ហើយប្រហែលជា ក្នុងកម្រិតខ្លះ ជាអ្វីដែលយើងបានស្រមៃចង់បាន នៅមុនព្រឹត្តិ្កការណ៍កិច្ចសហប្រតិបត្តិការសកល រវាងបេឡារុស និងចិន»។

គួរបញ្ជាក់​ថា ដំណើរទស្សនកិច្ចរបស់លោក Lukashenko ទៅកាន់ប្រទេសចិននេះ​ បានកើតឡើងបន្ទាប់ពីលោកបានជួបជាមួយប្រធានាធិបតីរុស្ស៊ី លោក Vladimir Putin កាលពីសប្តាហ៍មុន។ កិច្ចប្រជុំនេះធ្វើឡើងបន្ទាប់ពីមាន​ភាពតានតឹងកាន់តែខ្លាំងឡើង រវាងបេឡារុស និងអ៊ុយក្រែនដែលប្រធានាធិបតីរបស់ប្រទេស​នេះ​ គឺលោក Volodymyr Zelenskiy និយាយថា លោកជឿថា លោក Putin កំពុងព្យាយាមធ្វើឱ្យលោក Lukashenko បង្កើនការគាំទ្ររបស់លោក ចំពោះរុស្ស៊ី នៅ​ក្នុងសង្គ្រាមរបស់ខ្លួន នៅ​អ៊ុយក្រែន៕